समाचारमा बालबालिका

आँबुखैरेनीमा चितुवाको आक्रमणबाट बालकको मृत्यु

रातोपाटीमा प्रकाशित,२१ पुष, चितवन।

चितुवाको आक्रमणबाट तनहुँको आँबुखैरेनीमा आइतबार साँझ एक बालकको मृत्यु भएको छ । आँबुखैरेनी गाउँपालिका–१ खरानी गाउँका ८ वर्षीय पुजन सिंजाली मगरको मृत्यु भएको जिल्ला प्रहरी कार्यालय जनाएको छ।

Read More

बालविवाह रोक्न किशोरीहरुको संघर्ष

उज्यालो अनलाइनमा प्रकाशित,२१ पुष, रौतहट।

कलिलो अनुहार, उमेरले भर्खरै १५ मा टेक्दै गरेकी किशोरी । मनमा केही गर्छु भन्ने आँट । तर जन्मिदै बिहेको लागि केटा तयार । हुर्कन नपाउँदै पटक पटक बिहेको कुरा।

Read More

गृहकार्य नगरेको भन्दै कुटिए विद्यार्थी, आँखामा गम्भीर चोट

अनलाइन खबरमा प्रकाशित,२० पुष, बुटवल ।

रूपन्देहीको एक बोर्डिङ स्कुलमा अध्ययनरत विद्यार्थी शिक्षकबाट निर्घात कुटिएका छन् । कुटाइबाट उनको आँखामा चोट लागेको छ । सम्मरीमाई गाउपालिका–६ को ज्ञानदीप बोर्डिङ्ग स्कुलमा कक्षा ५ मा अध्ययरत तौफिक धुनिया गृहकार्य नगरेको भन्दै शिक्षक शैलेन्द्र बरईबाट निर्घात कुटिएका हुन्।

Read More

ट्याक्टर दुर्घटना हुँदा एक विद्यार्थीको मृत्यु, २० घाइते

नयाँ पत्रिकामा प्रकाशित,२० पुष, रुकुम पश्चिम ।

राष्ट्रपति रनिङ शिल्डमा सहभागी विद्यार्थी चढेको ट्याक्टर शनिबार राति दुर्घटना हुँदा आठ कक्षामा अध्ययनरत दलबहादुर बिकको मृत्यु भएको छ । १६ विद्यार्थीसहित २० जना घाइते भएका छन्।

Read More

दमकबाट पन्ध्र सडक बालबालिकाको उद्धार

सेतोपाटीमा प्रकाशित,२० पुष,दमक ।

झापाको दमकबाट शनिबार १५ सडक बालबालिकाको उद्धार गरिएको छ। प्रदेश नं १ लाई सडक बालबालिकामुक्त बनाउने अभियानअन्तर्गत दमकबाट एकैसाथ १५ सडक बालबालिकालाई उद्धार गरिएको हो।

Read More

विद्यार्थी कुट्ने शिक्षक प्रहरी फन्दामा

नागरिक न्युजमा प्रकाशित,२० पुष, बुटवल ।

रुपन्देहीमा विद्यार्थीलाई कुटपिट गरेको आरोपमा एक शिक्षक प्रहरी फन्दामा परेका छन्। सम्मरीमाई –६, पोखरहवास्थित ज्ञानदीप बोर्डिङ्ग स्कुल कक्षा ५मा अध्ययनरत मोहम्मद तौफिक देवानलाई कुटपिट गरेको भन्दै सम्मरीमाई गाउँपालिका-६ रुदलापुर बस्ने शिक्षक शैलेन्द्र बरईलाई प्रहरीले नियन्त्रणमा लिएको हो।

Read More

धरानबाट ३१ सडक बालबालिकाको उद्धार

अन्नपूर्ण पोस्ट्मा प्रकाशित,१९ पुष, धरान ।

सरकारले सुनसरीको धरान उपमहानगरपालिकाको भानुचोक क्षेत्रबाट शुक्रबार राति ३१ बालबालिकाको उद्धार गरेको छ। सरकारले सुरु गरेको सडक बालबालिका, बेवारिसे बृद्धबृद्धा तथा अशक्तहरुको संरक्षण अभियान अन्तर्गत सडकमा कष्टकर जीवन बिताइरहेका ३१ बालबालिकालाई धरान उपमहानगरपालिकाको भानुचोक क्षेत्रबाट उद्धार गरिएको हो।

Read More

बालिकालाई यौन दुर्व्यवहार गरेको आरोपमा ६० वर्षीय महेन्द्र शाह पक्राउ

इमेज खबरमा प्रकाशित,१८ पुष, रौतहट ।

११ वर्षीया बालिकालाई यौन दुर्व्यवहार गरेको अभियोगमा एक वृद्ध पक्राउ परेका छन् । गुजरा नगरपालिका ५ हरिहरपुर बस्ने ६० वर्षीय महेन्द्र साहलाई बिहीबार राति प्रहरीले पक्राउ गरेको हो।

Read More

अभिभावकसँगै कैद

कान्तिपुरमा प्रकाशित,१७ पुष, सल्यान ।

उनी ६ वर्षकी भइन् । यो उमेरमा अरु बालबालिका विद्यालय जान थाल्ने भए पनि उनले अहिलेसम्म कापीकलम देख्न पाएकी छैनन् । सल्यान बाग्चौर नगरपालिका–७ कोटबाराकी चेतना रावत अभिभावकको गल्तीका कारण उनीहरूसँगै जिल्ला कारागारमा कैद छिन् । कारागारमा आमाबुबासँगै ४ वर्षीया बहिनी वर्षा र १ वर्ष ४ महिनाका भाइ हिक्मत पनि कैद छन्।

Read More

चिसोले दुई राउटे बालकको मृत्यु

नागरिक न्युजमा प्रकाशित,१७ पुष, वीरेन्द्रनगर ।

जंगलबीचको सानो झुपडीमा १४ वर्षीय पीपल शाही परिवारसहित सुते। बिहान उठ्दा सबै उठे तर पीपल उठेनन्। कारण, ‘चिसोले उनको मृत्यु भइसकेको थियो।’ उनी मात्र होइन चिसोकै कारण पुस ९ गते राति हर्कबहादुर शाहीको चार महिने छोरा जंगबहादुरले पनि ज्यान गुमाए।

Read More

बालकलाई जन्मकैद फैसला

अन्नपूर्ण पोस्ट्मा प्रकाशित,१७ पुष, सिन्धुली ।

सिन्धुलीमा १५ वर्षीय बालकलाई जन्मकैदको फैसला भएको छ। जिल्ला अदालत सिन्धुलीले हत्या अभियोगमा पक्राउ परेका बालकलाई जन्मकैदको फैसला गरेको हो।

Read More

दुर्गमको स्कुलमा बस सेवा

अन्नपूर्ण पोस्ट्मा प्रकाशित,१६ पुष, प्यूठान ।

विद्यालय पुग्न र घर फर्किन सास्ती खेपीरहेका माण्डवी मावि नयाँगाउँ प्यूठानका बालवालिकाको दैनिकी फेरिने भएको छ। बालबालिकालाई आउजाउका लागि विद्यालयले स्कुल बस सञ्चालन गर्न थालेपछि सहज हुने भएको हो। गाउँमा विद्यालय नहुँदा दुई/तीन घण्टा पैदल हिडेर ओहोरदोहोर गर्नुपर्ने कलिला बालबालिकाको शिक्षाका लागि बस सेवा प्रभावकारी हुने बिश्वास गरिएको छ।

Read More

बालबालिकालाई अक्षर चिनाउन साक्षरता कक्षा

नागरिक न्युजमा प्रकाशित,१६ पुष, नुवाकोट।

गोलाकार टेबुल अगाडी मिलेर बसेका बालबालिका नेपाली भाषाका अक्षरसँग रमाइरहेका थिए। निजि विद्यालयसँग प्रतिष्पर्धा गर्दै सामुदायिक विद्यालयले पनि अंग्रेजी माध्यमबाट पठनपाठन गराइरहेको पाइन्छ। तर नुवाकोटको बेल्कोटगढी नगरपालिका–१० पोखरीमा रहेको वरदवी आधारभुत विद्यालयले भने नेपाली भाषाका अक्षरमा बालबालिकालाई नजिक बनाउन ‘साक्षरता कक्षा’ सञ्चालन गरेको छ।

Read More

उल्टोबाट बाह्रखरी पढ्न नजान्दा विद्यार्थी कुटिए

अन्नपूर्ण पोस्ट्मा प्रकाशित,१५ पुष, बैतडी ।

बैतडीमा एक विद्यालयका ९ विद्यार्थीलाई शिक्षकले कुटपिट गरेका छन्। उल्टोबाट बाह्रखरी पढ्न नजानेको भन्दै कक्षा सातका ९ जनालाई शिक्षकले कुटपिट गरेका हुन्।

Read More

एउटै कोठामा चार कक्षा

कान्तिपुरमा प्रकाशित,१५ पुष, मकवानपुर ।

गुणस्तर र व्यावहारिक शिक्षाको टड्कारो आवश्यकता महसुस भइरहेको समयमा हेटौंडा उपमहानगरपालिकाभित्रैको एक विद्यालयमा चारवटा कक्षाका विद्यार्थी एउटै कोठामा बसेर पढ्न बाध्य छन्।

Read More

चितुवाको आक्रमणबाट २२ महिनाका बालकको मृत्यु

रातोपाटीमा प्रकाशित,१५ पुष, तनहुँ ।

चितुवाको आक्रमणबाट तनहुँको शुक्लागण्डकी नगरपालिका–३ रातमाटामा सोमबार एक बालकको मृत्यु भएको छ । मृत्यु हुनेमा २२ महिनाका बालक रविन नेपाली रहेको जिल्ला प्रहरी कार्यालय तनहुँले जनाएको छ ।

Read More

सामुदायिक विद्यालयका छात्राले पाउन थाले निःशुल्क स्यानेटरी प्याड

थाहा खबरमा प्रकाशित,१५ पुष, काठमाडौं ।

सरकारले सामुदायिक विद्यालयका कक्षा ६ देखि १२ सम्मका किशोरावस्थाका छात्रालाई महिनावारीका समयमा आवश्यकपर्ने स्यानेटरी प्याडको निःशुल्क वितरण शुरु गरेको छ। कतिपय जिल्लामा महिनावारी हुँदा छात्रा विद्यालय नआउने तथा क्रमशः कक्षा छाड्ने प्रवृत्ति देखिएकाले उनीहरुको नियमितता र स्वास्थ्य सुरक्षालाई ध्यान दिएर सरकारले यस्तो प्रबन्ध गरेको हो।

Read More

अत्याधिक चिसोको कारण धनुषाका विद्यालय एक सातालाई बन्द

रातोपाटीमा प्रकाशित,१४ पुष, जनकपुर ।

अत्याधिक चिसो बढेपछि धनुषाका विद्यालयहरु सोमबारदेखि एक साताका लागि बन्द गरिएको छ । विगत केही दिनदेखि निरन्तर चिसो बढेर शीतलहर हुन थालेपछि जिल्ला शिक्षा विकास तथा समन्वय इकाई समिति धनुषाले विद्यालयहरु ५ दिन बन्द गर्नुपरेको बताएको छ।

Read More

कञ्चनपुरमा तीन वर्षीया बालिकाको बलात्कारपछि हत्या

रातोपाटीमा प्रकाशित,१४ पुष, कञ्चनपुर ।

कञ्चनपुरको भीमदत्त नगरपालिका–१८ सालघारीमा तीन वर्षीया बालिकाको बलात्कारपछि हत्या गरिएको छ । केहीबेरअघि घरमा कोही नभएको मौका छोपी स्थानीयवासी इन्द्र चुनाराले तीन वर्षीया बालिकाको बलात्कारपछि हत्या गरेको प्रहरीले जनाएको छ।

Read More

घर भत्किँदा बालकको मृत्यु, आमा घाइते

अन्नपूर्ण पोस्ट्मा प्रकाशित,१४ पुष, डडेल्धुरा ।

डडेल्धुराको नवदुर्गामा घर भत्किँदा एक बालकको मृत्यु भएको छ भने आमा घाइते भएकी छिन् । नवदुर्गा गाउँपालिका १ ओली गाउँका यज्ञबहादुर ओलीको घर भत्किँदा उनका दुई वर्षीय छोरा किरण ओलीको मृत्यु भएको हो।

Read More