एसईईको नतिजा सार्वजनिक

https://www.onlinekhabar.com/2020/08/890158

१ भदौ, काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसईई)को नतिजा सार्वजनिक गरेको छ । बोर्डको सोमबार बसेको बैठकले नतिजा सार्वजनिक गर्ने निर्णय गरेको बोर्डका अध्यक्ष प्रा.डा. चन्द्रमणि पौडेलले अनलाइनखबरलाई जानकारी दिए । पौडेलका अनुसार ४ लाख ७२ हजार ७८ विद्यार्थीको परीक्षाफल प्रकाशित भएको हो । नतिजा टेलिफोन, एसएमएस र बेभसाइटमा हेर्न सकिन बोर्डले जनाएको छ ।

गत ६ चैतका लागि निर्धारित एसईई कोभिड–१९ का कारण अन्तिम समयमा स्थगित भएको थियो । परीक्षा नहुने भएपछि विद्यालयले गरेको आन्तरिक मूल्यांकनको आधारमा नतिजा सार्वजनिक गरेको हो ।

बालगृहमा हुर्केका दावाको स्वर्ण कथा

BBC Nepali

दावा शेर्पाले आफ्नो आमाबुबालाई कहिल्यै भेटेका छैनन्।

उनी बालगृहमा नै हुर्किए। उनले केही हप्ताअघि अन्तर्राष्ट्रिय अनलाइन तेक्वान्दो प्रतियोगितामा स्वर्ण जितेका छन्।

मुस्कान सेवा नेपालको आश्रयमा रहेर त्यहीँ तेक्वान्दो सिक्ने मौका पाएका उनी भविष्यमा खेलाडी बन्न चाहन्छन्।

प्रधानाध्यापक नै सधैं गयल

कान्तिपुरमा प्रकाशित,२१ फागुन,बागलुङ ।

ढोरपाटन–८ सेरावाङस्थित नमुना प्राविमा दुई वर्षअघिसम्म डेढ सयभन्दा बढी विद्यार्थी पढ्थे । बालविकास केन्द्रमा अरू २५ जना थिए । एक मात्र शिक्षक भएकाले बालविकासकी सहयोगी कार्यकर्तासहित निजी स्रोतका शिक्षक राखेर पढाइन्थ्यो।

निजी स्कुल छाडेर सरकारीतिर

अन्नपूर्ण पोस्ट्मा प्रकाशित,१९ माघ, भोजपुर ।

सामुदायिक विद्यालयमा अंग्रेजी माध्यमबाट पढाइँदैन। अभिभावकहरू केही भए पनि बालबालिका अंग्रेजी जानोस्, सिकोस्, बोलोस् भन्ने चाहन्छन्। अंग्रेजी माध्यम र पाठ्यक्रमअनुरूप सीप सिकाइ अभावले बर्सेनि सरकारी विद्यालयको शैक्षिक गुणस्तर पनि खस्किँदो छ। जसले अभिभावक र विद्यार्थीलाई वितृष्णा जगाएको छ। पछिल्ला वर्षयता अंकभारले सरकारीभन्दा राम्रै नतिजा ल्याउन् भनेर महँगो खर्चेर बालबालिकालाई बोर्डिङ स्कुलमा पठाउने प्रचलनजस्तै बनेको छ।

विद्यालयले फारम भराउँदैनन्, फारम भरेर छनोट भएका विद्यार्थीले पनि बैंक खाता नहुँदा छात्रवृत्ति पाउँदैनन्

नयाँ पत्रिकामा प्रकाशित,१८ फागुन,पर्वत।

विपन्नलक्षित छात्रवृत्तिका लागि विद्यालयले चासो नदेखाएपछि विपन्न विद्यार्थी मारमा परेका छन् । जिल्लाका ७२ सामुदायिक विद्यालयको कक्षा ९ देखि १२ सम्म अध्ययन गर्ने पाँच हजारभन्दा बढी लक्षित तथा विपन्न वर्गका विद्यार्थी वञ्चित भएका हुन् । धेरैजसो दलित विद्यार्थी छन्।

विद्यालयको दिवा खाजामा कोदो, पिँडालु र सिस्नुको साग

गोरखापत्र अनलाइनमा प्रकाशित, १४ फागुन, बैतडी ।

बैतडीका स्थानीय तहले विद्यालयको दिवा खाजामा स्थानीय उत्पादनलाई जोड दिएर विद्यार्थीलाई अर्ग्यानिक दिवा खाजा खुवाउन थालेका छन् । बैतडीका १० वटै स्थानीय तहले विद्यालयमा दिवा खाजाका रुपमा दैनिक सूची नै तयार गरेर कोदो, घिउ, हरियो साग, सिस्नोको साग, उसिनेको आलु, पीँडालु, अण्डा, दाल र गेडागुडी र फलफुल खुवाउन थालेका छन्।

विद्यालय सुधार्दै व्यवस्थापन समिति

नागरिक न्युजमा प्रकाशित,१० फागुन, रोल्पा ।

जिल्लाको एक सामुदायिक विद्यालय आँट गरे सुधार्न गर्न सकिन्छ भन्ने उदाहरण बन्न थालेको छ। चाहेमा शैक्षिक सुधार गर्न सकिने प्रमाण देखाएको बालकल्याण नमुना माध्यमिक विद्यालयमा यतिबेला विद्यालय ब्यबस्थापन समिति थप सकृय बनेको छ। स्थानीय, प्रदेश र केन्द्र सरकारले वास्ता नगर्दा नगर्दै पनि विद्यालयले सुधारका लागि बिभिन्न उदाहरािीय कामको थालनी गरेको हो।

खाजाले बढे विद्यार्थी

कान्तिपुरमा प्रकाशित,२७ माघ, बर्दिया ।

यहाँको हिमाली आधारभूत विद्यालयका विद्यार्थी मुस्किलले पढ्न आउँथे । विद्यालय आएका पनि अधिकांश टिफिन समयमा घर भाग्थे । विद्यालयमा खाजा कार्यक्रम सुरु भएपछि विद्यार्थी नियमित हुन थालेको र भाग्ने क्रम रोकिएको विद्यालयले जनाएको छ ।

घरायसी कामले छुट्छ पढाई

अन्नपूर्ण पोस्ट्मा प्रकाशित,२७ माघ, अछाम ।

साँफेबगर नगरपालिका–१४ पातलकोटकी सानु थापा १७ बर्षकी भईन् । विद्यालयमा भेटिनुपर्ने उनी हरेक दिन उनी घरायसी काममा ब्यस्त हुन्छिन् । कालिका माध्यामिक विद्यालयकी पूर्व छात्रा सानुले ६ कक्षा पढ्दा पढ्दै विद्यालय छोडिन् । भन्छिन्, ‘घरायसी काम र घासदाउराले गर्दा गृहकार्य गर्ने, पढ्ने समय नभएपछि विद्यालय जानै छोडे ।’ सानु जस्तै कौशी परियारले कक्षा ३ र शान्ति थापाले कक्षा सातमा पढ्दा पढ्दै वीचमै विद्यालय छोडे ।

विद्यालयबाटै बिनाब्याज ऋण

कान्तिपुरमा प्रकाशित,२६ माघ, बर्दिया ।

जिल्लाको नेपाल गुराँस माविका विद्यार्थीका पढाइ छाडेर खर्च जुटाउन भौंतारिनुपर्ने दिन सकिए । मधुवन –६, सानोश्रीका विद्यार्थीलाई विद्यालयले पढ्दै, सिक्दै र कमाउँदै अभियानअन्तर्गत बिनाब्याज ऋण दिन थालेपछि उनीहरूका दिन फेरिएका हुन् । विद्यालयले उपलब्ध गराएको ऋण सहयोगले अध्ययन खर्च टार्न सहज भएको प्रधानाध्यापक केशव पौडेलले बताए ।

जहाँ ५ कक्षामै टुंगिन्छ पढाइ

कान्तिपुरमा प्रकाशित,२४ माघ, सिन्धुपाल्चोक ।

चिसो भुँइमा टुक्रे गुन्द्री । चिरा परेका काठले बेरिएका कोठा । त्यहीँ टाँगिएका छन्, च्यातिन थालेका थोत्रा चार्ट । पुस्तक र कापी बोकेर बालबालिका शिक्षक कुरेर बसेका छन् । अझैसम्म सडक नजोडिएको जुगल गाउँपालिका–३ तेम्बाथान गाउँको तेम्बाथान आधारभूत विद्यालयको यो अवस्था देख्ने जो कोही दिक्क हुन्छन्।

विद्यार्थी नहुँदा विद्यालय बन्द

थाहा खबरमा प्रकाशित,२४ माघ, झापा ।

शिवसताक्षी नगरपालिका–११ को झरना आधारभुत विद्यालय दुई वर्षदेखि बन्द छ। चारजना शिक्षक दरबन्दी रहेको उक्त विद्यालयमा ३० जना मात्र विद्यार्थी भए।

विद्यालय पठाउनै सकस, खोलामा विद्यार्थी खोज्दै शिक्षक

कान्तिपुरमा प्रकाशित,२३ माघ, सिरहा ।

घरछेउमै भए पनि उनी विद्यालय जाँदिनन् । लहान नगरपालिकास्थित घलेटोलकी १२ वर्षीया सन्जु मरिक डोम घरमै भाइबहिनी खेलाउँदै दिन बिताउँछिन् । विद्यालय जाने उमेरका ७ वर्षीया बहिनी अमृता र ४ वर्षीय भाइ रोहितको हेरचाह गर्ने जिम्मेवारी उनको काँधमा छ । परिवारका सदस्य बंगुरपालन र बाँसजन्य सामग्री उत्पादन तथा बिक्री गर्न व्यस्त छन् ।

हिउँको ढिस्कोमाथि पढाइ

अन्नपूर्ण पोस्ट्मा प्रकाशित,२३ माघ,मनाङ ।

मनाङमा दुई साताअघि परेको हिउँ बिलाएको छैन। जमिनमा खुट्टा गढ्ने बाक्लो हिउँ छ भने कठ्यांग्रिँदो चिसोले जनजीवन प्रभावित भएको छ। तर, चिसोले बिदा भएको सदरमुकाम चामे र तिमाङको विद्यालयले भने हिउँमै पढाइ सुरु गरेका छन्।

सात लाख ७० हजार बालबालिका विद्यालय बाहिर

नागरिक न्युजमा प्रकाशित,२२ माघ, काठमाडौं ।

युनिसेफ जर्मनीका संरक्षक एल्के बुडेनबेन्डरले नेपाल भ्रमणका क्रममा यहाँका बालबालिकाको स्थिति र त्यसको दिगो समाधानका लागि युनिसेफले चालेको कदमका बारे जानकारी लिएका छन्। सोमबारदेखि शुक्रबारसम्म नेपाल भ्रमणमा रहेका उनले ललितपुरका विद्यालय, युवा क्लब र समुदायका बालबालिकालाई भेटी तिनको दैनिक जीवनमा आउने चुनौतीको सामना गर्ने तरिकाबारेमा जानकारी लिएको युनिसफ नेपालका सञ्चार विशेषज्ञ शर्मिना मानन्धरले जानकारी दिए।

अब कक्षा ८ सम्मै रंगीन पुस्तक

नयाँ पत्रिकामा प्रकाशित,२१ माघ,काठमाडौँ ।

आगामी शैक्षिक सत्रबाट कक्षा ८ सम्मका विद्यार्थीले रंगीन पुस्तक पढ्न पाउने भएका छन् । शिक्षा, विज्ञान तथा प्रविधि मन्त्रालयले विभिन्न रङका पाठ्यपुस्तक छपाउने निर्णय गरेको हो । यसअघि कक्षा ५ सम्मका विद्यार्थीहरूले मात्र रंगीन पाठ्यपुस्तक पढ्दै आएका थिए । कक्षा ९ र १० मा भने श्यामश्वेत पुस्तक हुनेछन्।

चिसो भुइँमै पढाइ

कान्तिपुरमा प्रकाशित,१७ माघ,महोत्तरी ।

बिहानको ११ बजेपछि विद्यार्थीहरू एक हातमा किताब र अर्कोमा बोरा वा चकटी झुण्ड्याउँदै विद्यालय पुग्छन् । घाम लागे चौरमा र शीतलहर भए कक्षाकोठामा बोरा ओछ्याएर पढ्छन् । कोही त बोरा पनि नभएर चिसो भुइँमा नै बस्छन् ।

विद्यालयमै अन्धविश्वासको पराकाष्ठ : विद्यार्थी मुर्छा पर्दा डाक्टर होइन, धामीझाँक्री देखाएर पुराण लाउने तयारी

नयाँ पत्रिकामा प्रकाशित,१३ माघ, झापा ।

मेचीनगर नगरपालिका–४ बाहुनडाँगीस्थित पशुपति माध्यमिक विद्यालयका कक्षा आठदेखि १० सम्मका २४ छात्रामा मास हिस्टेरिया (कन्भर्जन डिसअर्डर) देखिन थालेको डेढ महिना बितेको छ । तर, शिक्षक र अभिभावक उनीहरूलाई डाक्टरकहाँ लैजानुको सट्टा विद्यालयमै धामीझाँक्री लगाइरहेका छन्।

छात्रवृत्ति लिन सामुदायिकमा पढ्नैपर्ने

कान्तिपुमा प्रकाशित,८ माघ, काठमाडौँ ।

छात्रवृत्तिमा उच्च शिक्षा अध्ययन गर्न कम्तीमा कक्षा ६ देखि १० सम्म सामुदायिक विद्यालयमा अध्ययन गर्नुपर्ने कानुनी व्यवस्था गरिने भएको छ । प्रतिनिधिसभाको शिक्षा तथा स्वास्थ्य समितिले शिक्षासम्बन्धी केही नेपाल ऐन संशोधन गर्न बनेको विधेयकमा संशोधन गरी यस्तो प्रावधान थप गरेको हो।

पढाइसँगै खेतीपाती

कान्तिपुरमा प्रकाशित,८ माघ, डडेलधुरा ।

हातमा कुटो र कोदालो । काँधमा पुस्तकको झोला । अनि शरीरमा चिटिक्क परेको विद्यालय पोसाक । देख्नेमध्ये धेरैजसो अलमलिन सक्छन्, विद्यार्थी हो कि कृषक भनेर । डडेलधुरा सदरमुकामदेखि १२ किलोमिटर दूरीमा रहेको बालकल्याण माविका विद्यार्थीको हुलिया हो यो ।