समाचारमा बालबालिका

सर्पले डस्दा बालकको मृत्यु

https://ratopati.com/story/201860/2021/10/3/child-death  असोज १७, २०७८

महोत्तरी गाउँपालिका–२ अनैठामा गएराति एक बालकको सर्पले डसेर मृत्यु भएको छ । मृत्यु हुनेमा मदन रामका १३ वर्षीय छोरा आकाश रहेको जिल्ला प्रहरी कार्यालयका प्रहरी नायब उपरीक्षक प्रकाश विष्टले जानकारी दिए । 

Read More

बालिकामाथि बलात्कार प्रयास : एक पुरुष पक्राउ

https://annapurnapost.com/news/187522 १६ असोज २०७८

विराटनगर : ११ वर्षीया बालिकामाथि बलात्कार प्रयास गर्ने एक जना पुरुष शनिबार बिहान विराटनगरबाट पक्राउ परेका छन्। विराटनगर महानगरपालिका–४ का ५० वर्षीय लभ कोइरालालाई पक्राउ गरिएको मोरङ प्रहरीका प्रवक्ता डीएसपी दीपक श्रेष्ठले जानकारी दिए।

उनका अनुसार घरमा अभिभावक कोही पनि नभएको र एक्लै रहेको मौकामा कोइरालाले भदौ २२ गते दिउँसो छिमेकी बालिकामाथि बलात्कारको प्रयास गरेको खुलेको छ। प्रहरीको प्रारम्भिक अनुसन्धानबाट कोठाभित्र लगेर जबरजस्ती कपडा खोल्न थालेपछि अर्की छिमेकी ५ वर्षीया बालिका त्यहाँ पुगेको खुलेको छ। ५ वर्षीया बालिका पुगेपछि ११ वर्षीया बालिका बलात्कृत हुनबाट जोगिएको पत्ता लागेको प्रहरीको भनाइ छ। 

Read More

पोखरीमा डुबेर बारामा बालिकाको मृत्यु

https://www.onlinekhabar.com/2021/09/1020576 २०७८ असोज १४ 

१३ असोज, वीरगञ्ज । बारामा पोखरीमा डुबेर ६ वर्षीया बालिकाको मृत्यु भएको छ । सिम्रौनगढ नगरपालिका–१ ढाटटोलका जितन मुखियाकी ६ वर्षीया छोरी सुमन कुमारीको मृत्यु पोखरीमा डुबेर मृत्यु भएको हो ।

बुधबार साँझ साढे ५ बजेतिर आमा र अन्य महिलाको समूह जितिया पर्वमा नुहाउनका लागि स्थानीय हेमचन्द्र कलवारको पोखरीमा पसेका थिए । सोही क्रममा सुमन पोखरीमा डुबेकी थिइन् ।

Read More

ठिमीको कमलपोखरीमा डुबेर ६ वर्षीय बालकको मृत्यु

https://www.setopati.com/social/250288 असोज १४, २०७८

भक्तपुरको मध्यपुर ठिमीस्थित कमलपोखरीमा डुबेर एक बालकको ज्यान गएको छ।

बुधबार दिउँसो २ बजे पोखरीमा डुबेर खोटाङ जन्तेढुंगा गाउँपालिका घर भएका ६ वर्षीय बालक रोशन खड्काको मृत्यु भएको हो।

Read More

खहरे खोलाले बगाउँदा एक बालिकाको मृत्यु

https://ratopati.com/story/201280/2021/9/28/child-death  असोज १२, २०७८

मकवानपुरको राक्सिराङमा खहरे खोलाले बगाउँदा एक बालिकाको मृत्यु भएको छ । जिल्लाको विकट मनिने राक्सिराङ गाउँपालिका वडा नम्बर–८ मा पर्ने गिर्खे खोलाले बगाउँदा स्थानीय १२ वर्षीय बालिकाको मृत्यु भएको जिल्ला प्रहरी कार्यालय मकवानपुरले जनाएको छ ।

मंगलबार दिउँसो भएको वर्षाका कारण उक्त खहरे खोलामा आएको भेलले विद्यालयबाट घर फर्कदै गरेकी खोलाले स्थानीय १२ वर्षीया मनिता माया थिङलाई गिर्खे खोलामा आएको भेलले बगाएको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।

Read More

ललितपुरमा भेटियो कपनको ढलमा परेका १० वर्षीय उज्ज्वलको शव

https://www.setopati.com/social/249925 असोज १०

काठमाडौंको कपनस्थित ढलमा खसेर बेपत्ता रहेका १० वर्षीय उज्ज्वल विकको शव फेला परेको छ।

ललितपुरको महाङ्काल गाउँपालिकास्थित बागमती नदी किनारमा उनको शव फेला परेको प्रहरीले जनाएको छ। गत मंगलबार उज्ज्वल कपनस्थित ढलमा खसेका थिए।

ढलमा खसेर बेपत्ता भएको ५ दिनपछि उनको शव फेला परेको हो। महानगरीय प्रहरी परिसर ललितपुरकी एसएसपी किरण बज्राचार्यका अनुसार स्थानीयले शव देखेपछि प्रहरीलाई खबर गरेका थिए।

Read More

पोखरीमा डुबेर बालकको मृत्यु

https://www.setopati.com/social/249906 असोज ९

सप्तरीमा पोखरीमा डुबेर दुई वर्षीय बालकको मृत्यु भएको छ।

Read More

सात महिने शिशु र युवकको शव फेला

https://ratopati.com/story/200858/2021/9/25/dead-body- असोज ९, २०७८

सर्लाही सदरमुकाम मलङ्गवाका छुट्टाछुट्टै स्थानमा सातमहिने शिशु र एक युवकको शव फेला परेको छ । मलङ्गवा नगरपालिका–४ स्थित सार्वजनिक पोखरीमा सात महिने शिशुको शव फेला परेको छ भने मलङ्गवा–७ गणेशियास्थित नहरमा अन्दाजी ४० वर्षीय एक युवकको बेवारिसे शव फेला परेको हो ।

आज बिहान करिब १०ः०० बजे पोखरीमा सात महिने बालकको शव स्थानीयवासीले देखेपछि प्रहरीलाई खबर गरेका थिए । त्यस्तै दिउँसो नहरमा माछा मार्न गएका व्यक्तिले युवकको शव देखेपछि प्रहरीलाई जानकारी गराएको थियो ।

Read More

डडेल्धुरामा १३ वर्षीया बालिकामाथि बलात्कार, महिलासहित तीन जना पक्राउ

https://www.onlinekhabar.com/2021/09/1017759 २०७८ असोज ८ 

८ असोज, धनगढी । डडेल्धुरामा १३ वर्षीया बालिकामाथि बलात्कार भएको छ । परशुराम नगरपालिका–३ मटेलाकी १३ वर्षीया बालिकामाथि शनिबार राति बलात्कार भएको प्रहरीले जनाएको छ ।

बालिकामाथि बलात्कार गरेको आरोपमा प्रहरीले एक युवकलाई इलाका प्रहरी कार्यालय जोगबुढाले नियन्त्रणमा लिएको छ । बलात्कार गर्न सघाउने बालिकाकी भाउजू नाता पर्ने २५ वर्षीया महिला र उनका प्रेमी भनिने अर्का व्यक्तिलाई पनि पक्राउ गरेको प्रहरीले जनाएको छ ।

Read More

बर्दियामा विवाह गर्छु भन्दै किशोरीको यौन शोषण गर्ने पक्राउ

https://ratopati.com/story/200762/2021/9/24/bardiya-rape असोज ८, २०७८

विवाह गर्ने प्रलोभन देखाउँदै घरमा लगेर झण्डै डेढ महिनासम्म एक किशोरीको यौन शोषण गर्दै आएका बर्दियाका एक युवक प्रहरीद्वारा पक्राउमा परेका छन् । जिल्लाको मधुवन नगरपालिका–१, कुसुम्बा बस्ने २४ वर्षीया सुरेश मगर १६ वर्षीया किशोरीमाथि जबरजस्ती करणी गरेको मुद्दामा पक्राउ परेका हुन् ।

Read More

सप्तरीमा सर्पले टोकेर दिदीभाइको मृत्यु

https://www.onlinekhabar.com/2021/09/1016860 २०७८ असोज ६ 

६ असोज, सप्तरी । सप्तरीको खडक नगरपालिकामा सर्पले टोकेर एकै परिवारका दिदीभाइको मृत्यु भएको छ ।

नगरपालिकाको वडा नम्बर २ सिस्वाबेल्हीका १४ बर्षीया सुनीता मण्डल र ९ बर्षीय कृष्ण मण्डलको मृत्यु भएको प्रहरीले जनाएको छ ।

Read More

सप्तरीका छुट्टाछुट्टै स्थानमा डुबेर दुई बालिकासहित तीन जनाको मृत्यु

https://www.onlinekhabar.com/2021/09/1016634 २०७८ असोज ५

५ असोज, सप्तरी । सप्तरीका छुट्टाछुट्टै स्थानमा पानीमा डुबेर एकै दिन तीन जनाको मृत्यु भएको छ । खडक नगरपालिका तथा महादेवा र तिलाठी-कोइलाडी गाउँपालिकामा एक/एक जनाको डुबर मृत्यु भएको हो ।

खडक नगरपालिका-८ मुसहरिनयाँमा तीन वर्षीया बालिकाको पोखरीमा डुबेर मृत्यु भएको छ । स्थानीय राजेशकुमार चौधरीकी छोरी एलिजाकुमारी चौधरीको घरनजिकै रहेको पोखरीमा नुहाउने क्रममा डुबेर मृत्यु भएको प्रहरीले जनाएको छ । पोखरीमा डुबिरहेको अवस्थामा उनलाई काका रामकुमार चौधरीले निकालेर उपचारका लागि लैजाँदै गर्दा बाटोमै मृत्यु भएको हो ।

Read More

पोखरीमा आमा–छोराको शव फेला

https://www.onlinekhabar.com/2021/09/1015722 २०७८ असोज ४

४ असोज, जनकपुरधाम । धनुषामा पोखरीमा डुबेर मृत्यु भएको अवस्थामा आमा–छोराको शव फेला परेको छ ।

जिल्लाको धनुषाधाम नगरपालिका वडा नम्बर २ धर्मपुर निवासी अशोकी सिंहकी २८ वर्षीया पत्नी अर्चना सिंह र चार वर्षीय छोरा कुश कुमार सिंह घर नजिकैको पोखरीमा मृत फेला परेको धनुषा प्रहरीका प्रवक्ता एवं डीएसपी जितेन्द्र बस्नेतले जानकारी दिए ।

Read More

पोखरीमा आमा–छोराको शव फेला

https://www.onlinekhabar.com/2021/09/1015722  २०७८ असोज ४ 

४ असोज, जनकपुरधाम । धनुषामा पोखरीमा डुबेर मृत्यु भएको अवस्थामा आमा–छोराको शव फेला परेको छ ।

जिल्लाको धनुषाधाम नगरपालिका वडा नम्बर २ धर्मपुर निवासी अशोकी सिंहकी २८ वर्षीया पत्नी अर्चना सिंह र चार वर्षीय छोरा कुश कुमार सिंह घर नजिकैको पोखरीमा मृत फेला परेको धनुषा प्रहरीका प्रवक्ता एवं डीएसपी जितेन्द्र बस्नेतले जानकारी दिए ।

Read More

पहिरोले घर पुरिँदा पाल्पामा एक बालिकाको मृत्यु

https://www.setopati.com/social/247372 भदौ १३

पहिरोमा परेर पाल्पामा एक बालिकाको मृत्यु भएको छ।

तानसेन नगरपालिका वडा नम्बर ५ कैलाश नगरमा पहिरोले घर पुरिँदा १० वर्षीया बालिकाको मृत्यु भएको हो।

गए राति करिब २:३० बजे पहिरो खसेको थियो।

Read More

बेचबिखनका लागि भारत पुर्‍याइएका ७ युवतीको उद्धार

https://annapurnapost.com/news/185465 १२ भदौ २०७८

वीरगन्ज : नेपाल प्रहरीले भारतको बिहारबाट ७ जना नेपाली युवतीको उद्धार गरेको छ। बेचबिखनको जोखिममा रहेका ७ जना युवतीलाई भारत बिहारको आदापुरमा बन्धक बनाएर राखिएको अवस्थामा जिल्ला प्रहरी कार्यालय पर्साबाट खटिएको प्रहरी टोलीले उद्धार गरेको हो। 

बिहारको पूर्वी चम्पारण जिल्ला छौडादानो नगर पञ्चायत–११ आदापुर बजारबाट ७ जना युवतीको उद्धार गरिएको पर्साका प्रहरी प्रवक्ता प्रहरी नायव उपरीक्षक ओम प्रकाश खनालले जानकारी दिए। उद्धार गरिएकामा उदयपुर जिल्ला घर भएका १८ र २१ वर्षिया, पुर्व नवलपरासीकी २० वर्षिया, सुनसरीकी २३ वर्षिया, बाग्लुङकी १९ वर्षिया, कास्कीकी २० वर्षिया र पर्साकी १८ वर्षिया  युवतीहरु रहेका छन्। 

Read More

पालिकाले एम्बुलेन्स नदिँदा शिशुको ज्यान गयो

https://annapurnapost.com/news/185326  १० भदौ २०७८

दैलेख : मञ्जु विकको डेढ महिने छोरीलाई अकस्मात श्वासप्रश्वासमा समस्या देखियो। ठाटीकाँध गाउँपालिका–५ तोलीजैसीकी उनले मंगरबार बिहानै छोरीलाई प्राथमिक स्वास्थ्य केन्द्र लकान्द्रमा पुर्‍याइन्। शिशुको उपचारमा स्वास्थ्यकर्मीले सक्दो प्रयास गरे। स्वास्थ्यमा सुधार नआएपछि दिउँसो २ बजेतिर प्रदेश अस्पताल सुर्खेत रिफर गरियो।

स्वास्थ्य केन्द्रले सुर्खेत रिफर गरेपछि शिशुका आफन्तले एम्बुलेन्सका लागि गाउँपालिकालाई खबर गरे। उनीहरूसँग तत्कालै एम्बुलेन्सको भाडा तिर्न पैसा थिएन। एम्बुलेन्सका लागि गाउँपालिका अध्यक्ष धीरबहादुर शाहीलाई आग्रह गर्दासमेत नगद भुक्तानीबिना एम्बुलेन्स पठाउन नसकिने जवाफ पाए। तत्कालै सुर्खेत लैजान नसक्दा निमोनियाले थलिएकी नवजात शिशुको ज्यान गयो। गाउँपालिकाले उधारोमा एम्बुलेन्स दिन अस्वीकार गर्दा शिशु रहिनन्। ठाटीकाँध गाउँपालिकादेखि सुर्खेतसम्मको ११३ किलोमिटर छ। यसका लागि तोकिएको ९ हजार रुपैयाँ नतिरेसम्म गाउँपालिकाले एम्बुलेन्स पठाउन मानेन। 

Read More

अछाममा बालिकालाई बलात्कार गरेको आरोपमा दुई जना पक्राउ

https://www.onlinekhabar.com/2021/08/1003996  २०७८ भदौ ९

९ भदौ, धनगढी । अछाममा बालिकालाई बलात्कार र बलात्कार प्रयास गरेको अभियोगमा तीन जना पक्राउ परेका छन् । पञ्चदेवल विनायक नगरपालिकामा छुट्टाछुट्टै दिन दुई बालिकामाथि करणी प्रयास र करणी गरेको आरोपमा तीन जनालाई पक्राउ गरिएको जिल्ला प्रहरी कार्यालयका निमित्त प्रमुख प्रहरी निरीक्षक जनकबहादुर बोहराले बताए ।

बालिकामाथि बलात्कार गरेको आरोपमा पञ्चदेवल विनायक नगरपालिका–६ तोलीका २४ वर्षीय जनक बटाला र २५ वर्षीय महेन्द्र रावललाई पक्राउ गरिएको प्रहरी निरीक्षक बोहराले बताए । बटालाले भदौ ५ गते स्थानीय मन्दिरमा लागेको मेला हेरेर फर्किने क्रममा मोटरसाइकलमा घर पुर्‍याइदिने भन्दै जंगलमा लगेर बलात्कार गरेको उजुरीका आधारमा पक्राउ गरिएको प्रहरीले जनाएको छ । यस्तै रावलले पीडितलाई मर्का पर्ने गरी बटालालाई कसूर गर्न दुरुत्साहन गरेको पाइएपछि पक्राउ गरिएको प्रहरी निरीक्षक बोहराले बताए ।

Read More

चार दिनदेखि हराएकी बालिका मृत भेटिइन्

https://annapurnapost.com/news/185299  ०९ भदौ २०७८

दैलेख : कालिकोटमा चारदिनदेखि हराएकी एक बालिकाको शव मकै बारीमा फेला परेको छ । खाँडाचक्र नगरपालिका–६ की १६ वर्षीया निरु विकको शव मकैबारीमा भेटिएको हो ।  गत शुक्रबारदेखि हराएकी निरुको शव मंगलबार दिउँसो घर नजिकै मकैबारीमा भेटिएको हो । जंगली जनावरले क्षतविक्षत पारेको अवस्थामा बालिकाको शव फेला परेको बताइएको छ ।

बालिकाको शव मकैबारीमा देखेपछि स्थानीय र बालिकाका आफन्तले प्रहरीलाई खबर गरेका थिए । बालिकाको शव भेटिएको खबर आएसँगै जिल्ला प्रहरी कार्यालय कालिकोटका प्रहरी नायव उपरीक्षक (डीएसपी) चक्रबहादुर शाहको नेतृत्वमा जिल्ला सदरमुकाम मान्मबाट प्रहरीको टोली खटिएको थियो । 

Read More

नवजात शिशुको हत्या गर्ने आमा पक्राउ

https://annapurnapost.com/news/185266 ०९ भदौ २०७८

बैतडी : डिलाशैनी गाउँपालिकामा एक आमाले नवजात शिशुको हत्या गरेकी छन्। वडा नं ७ ढाँणकी ३५ वर्षीया माधवी कार्कीले नवजात शिशुको घाँटी निमोठेर हत्या गरेकी हुन्। 

अवैध सम्बन्धबाट गर्भ रहेकाले माधवीले शिशुको जन्मिनासाथ घाँटी निमोठेर हत्या गरेको प्रारम्भिक अनुसन्धानबाट खुलेको इलाका प्रहरी कार्यालय पाटनका प्रहरी निरीक्षक राजेश शाहीले जानकारी दिए। घर नजिकैको मकैबारीमा शिशु जन्माएकी माधवीले सोही ठाउँमा केराको साप्रोले शिशुको घाँटी निमोठेर हत्या गरेको बताइएको छ।  

Read More