प्रेस विज्ञप्ति (२०७६/९/२०) बाल अधिकारको स्थिति सम्बन्धी अन्तर्क्रिया कार्यक्रम

नेपालको संविधानमा मौलिक हक र कर्तव्य अन्तर्गत रहेका विभिन्न धाराहरू र विशेष गरी धारा ३९ मा बालबालिकाको हक तथा धारा ५१ मा राज्यका नीतिहरू मध्ये खण्ड (ञ) को उपखण्ड (५) मा बालबालिकाको सर्वोत्तम हितलार्इ प्राथमिक रूपमा ध्यान दिने संवैधानिक व्यवस्था रहेको  छ।बालबालिका सम्बन्धी ऐन, २०७५ को प्रस्तावनामा बालबालिकाको अधिकारको सम्मान, संरक्षण, प्रवर्धन र परिपूर्ति गरी सर्वोत्तम हित कायम गर्ने, दफा ३ देखि दफा १५ सम्म विभिन्न एक्काइस वटा बाल अधिकारहरू, दफा १६ मा सर्वोत्तम हितलार्इ प्राथमिकता दिने, दफा, १७,१८ र १९ मा बालबालिकाप्रति परिवार वा संरक्षक, राज्य र सञ्चार क्षेत्रको दायित्व हुने, बाल अधिकारको  उल्लङ्घन गर्ने वा बालबालिकाप्रतिको दायित्व पूरा नगर्ने व्यक्ति, संस्था वा निकायका प्रमुखलार्इ सचेत तथा सजाय गरी बाल अधिकारको प्रचलन गराउने अधिकार सम्बन्धित स्थानीय तहको न्यायिक समिति तथा उच्च अदालतमा रहने लगायतका मुख्य कानूनी व्यवस्थाहरू उल्लिखित ऐनमा रहेको छ । 

सडक बालबालिकाको क्षेत्रमा क्रियाशील सेवा प्रदायक संघ संस्थाहरू सूचीकृत हुन आवेदन आव्हान गरिएको सम्बन्धी सूचना

सडक बालबालिका उद्धार, संरक्षण तथा व्यवस्थापन सम्बन्धी एकीकृत कार्यविधि, २०७६ बमोजिम सडक बालबालिकाको पहिचान, उद्धार, संरक्षण तथा व्यवस्थापन, पुनर्स्थापना, मनोविमर्श, सामाजिकीकरण, पारिवारिक पुनर्मिलन तथा पुनर्एकीकरण, रोकथाम तथा सचेतना सम्बन्धी कार्यक्रम सम्बन्धित स्थानीय तह, प्रदेश र संघ तथा तीनै तहमा रहेका सम्बन्धित सरोकारवाला निकाय तथा संघ संस्था बीचको समन्वय, सहयोग र सहकार्यमा सञ्चालन गर्न गराउन नेपाल राज्यभरी सडक बालबालिकाको क्षेत्रमा क्रियाशील रहेका सम्पूर्ण सेवा प्रदायक संघ संस्था तथा बाल गृहहरूले आ(आफ्नो संघ संस्थाको क्षमता, जनशक्ति, उपलब्ध सेवा सुविधा, सञ्चालित कार्यक्रम र आर्थिक स्रोत साधन व्यवस्थापन आदिको तथ्याङ्क विवरण सहित यस परिषद्‍मा सूचीकृत हुन यहीं मिति २०७६ सालको मंसिर २६ गतेभित्र आइपुग्ने गरी आवेदन दिनुहुन यसै सूचनाद्वारा जानकारी गरिएको व्यहोरा अनुरोध छ।

राष्ट्रिय बाल अधिकार परिषद्मा अध्यक्षज्यूको स्वागत कार्यक्रम

बालबालिका सम्बन्धी ऐन, २०७५ को दफा ५९(१) बमोजिम रहने राष्ट्रिय बाल अधिकार परिषद्का अध्यक्ष एवम् महिला, बालबालिका तथा ज्येष्ठ नागरिक मन्त्रालयका नव नियुक्त माननीय मन्त्री श्री पार्वत गुरुङ्गज्यूलाई मिति २०७६/८/१० गते राष्ट्रिय बाल अधिकार परिषद्मा स्वागत गरी परिषद्बाट सञ्चालित कार्यक्रम बारे जानकारी गरियो।

अन्तर्राष्ट्रिय बाल अधिकार दिवस भव्यताका साथ सम्पन्न

महिला, बालबालिका तथा ज्येष्ठ नागरिक मन्त्रालय र राष्ट्रिय बाल अधिकार परिषद्ले संयुक्त रुपमा ३० औं अन्तर्राष्ट्रिय बाल अधिकार दिवस यहि २०७६ मङिसर ४ (नोभेम्वर २०) गते भव्य समारोहका बीच नेपालमा बालबालिकाको स्थिति प्रतिवेदन, २०७६ सार्वजनिक गरी मनाएको छ।

बालगृहमा रहेका बालबालिकाको तथ्याङ्क विवरण अद्यावधिक गरी पठाउने सम्बन्धी सूचना

बालगृहमा रहेका बालबालिकाको तथ्याङ्क विवरण अद्यावधिक गरी पठाउने सम्बन्धी सूचना

राष्ट्रिय बाल दिवस २०७६ मूल समारोह सम्पन्न

“सुनिश्चित बाल अधिकारः समृद्ध नेपालको आधार” भन्ने मूल नाराका साथ राष्ट्रिय बाल दिवस २०७६ देशैभरि विभिन्न कार्यक्रम गरी मनाइएको  छ । महिला, बालबालिका तथा ज्येष्ठ नागरिक मन्त्रालय र राष्ट्रिय बाल अधिकार परिषद्को संयुक्त आयोजनामा भदौ २९ गते राष्ट्रिय बाल दिवस २०७६ मूल समारोह भव्यताका साथ सम्पन्न भएको छ।

जोखिमपूर्ण अवस्थामा राखिएका ९ बालबालिकाको उद्धार

मिति २०७६ साल भदौ ४ गते राष्ट्रिय बाल अधिकार परिषद्को नेतृत्वमा महानगरीय प्रहरी वृत्त, स्वयम्भु, बालबालिका खोजतलास समन्वय केन्द्र १०४, नागार्जुन नगरपालिका४ नं. वडा कार्यालय, बाल हेल्पलाइन १०९८ तथा स्थानीय प्रतिनिधिहरुको समन्वय र सहकार्यमा काठमाडौं जिल्ला नागार्जुन नगरपालिका वडा नं. ४ सितापाईला, ख्वपाटोल स्थित एक घरमा“नमुना प्रगतीशिल महिला समाज रयुवा सामुदायिक सेवा केन्द्र”द्धारा अत्यन्तै जोखिमपूर्ण अवस्थामा राखिएका ४ बालक र ५ बालिका गरी जम्मा ९ जना बालबालिका उद्धार गरिएको छ।

राष्ट्रिय बाल अधिकार परिषद्को समुद्घाटन समारोह

मिति २०७६/३/१ गते बुधबारका दिन एक भव्य समारोहका बीच माननीय मन्त्री श्री थममाया थापाज्यूबाट राष्ट्रिय बाल अधिकार परिषद्को समुद्घाटन कार्यक्रम सम्पन्न भएको छ । महिला, बालबालिका तथा ज्येष्ठ नागरिक मन्त्रालयका सचिव श्री चन्द्र कुमार घिमिरेज्यूको अध्यक्षतामा सम्पन्न कार्यक्रममा महिला, बालबालिका तथा ज्येष्ठ नागरिक मन्त्रालयका माननीय मन्त्री श्री थममाया थापाज्यूको प्रमुख आतिथ्यता, राष्ट्रिय मानव अधिकार आयोगका माननीय सदस्य श्री मोहना अन्सारीज्यू, नागरिक समाजका प्रतिनिधि एवम् बालअधिकारकर्मी श्री गौरी प्रधानज्यू, महिला बालबालिका तथा ज्येष्ठ नागरिक मन्त्रालयका सह सचिव श्री बीर बहादुर राईज्यू, प्रहरी प्रधान कार्यालयका प्रहरी नायब महानिरिक्षक श्री पिताम्बर अधिकारीज्यू, केन्द्रीय बाल कल्याण समितिका पूर्व अध्यक्ष श्री डिल्लीराम गिरीज्यू, केन्द्रीय बाल कल्याण समितिका कार्यकारी निर्देशक श्री कृष्ण प्रसाद भुसालज्यू  लगायतको आतिथ्यतामा सञ्चालन भएको कार्यक्रममा सरकारी तथा गैरसरकारी निकायका प्रतिनिधिहरु, बालबालिका, बालअधिकारकर्मी एवम् पत्रकारहरुको उल्लेखनीय उपस्थिति रहेको थियो ।

बालसम्वेदनशील राष्ट्रिय पत्रकारिता पुरस्कार २०७५ सम्बन्धी निवेदन

बालसम्वेदनशील राष्ट्रिय पत्रकारिता पुरस्कार २०७५ सम्बन्धी निवेदन

बालसंवेदनशील राष्ट्रिय पत्रकारिता पुरस्कार सम्बन्धी जरुरी सूचना

नेपाल पत्रकार महासंघ र केन्द्रीय बालकल्याण समितिको सहकार्यमा बालअधिकार संरक्षण तथा सम्वद्र्धनको विषयमा रिपोर्टिङ्ग गर्ने पत्रकारलाई पुरस्कारद्वारा सम्मानित गरिने भएको छ।

दर्ता नगरेको बाल गृहबाट १९ जना बालबालिकाको उद्धार

यहीं मिति २०७६/१/२३ गते सोमबारका दिन केन्द्रीय बाल कल्याण समितिको कार्यालय, नेपाल प्रहरी महाराजगंज वृत, बुढानीलकण्ठ नगरपालिका वडा नं. ८ समिति र बालबालिका खोजतलास समन्वय केन्द्र लगायत यस क्षेत्रमा कार्यरत संघसंस्थाहरुको संयुक्त पहलमा काठमाडौंको गोल्फुटारस्थित न्यू कर्णाली होस्टलमा रहेका १९ जना बालबालिकालाई उद्धार गरिएको छ।

बालबालिकाले बाल-प्रतियोगितामा भाग लिने सम्बन्धी सार्वजनिक सूचना

(गोरखापत्रमा प्रकाशित मिति 2076/01/22)

इजिप्टको संस्कृति मन्त्रालयलेआयोजना गर्न लागेको"PhotographyCompetition", "Handmade ToyCompetition"र"Egypt in the eyes of Children of the World Competition"को तीनवटा विश्वव्यापी प्रतियोगिता मध्ये छानेर कुनै दुर्इ प्रतियोगितामा ४ वर्षदेखि १८ वर्षसम्मकाबालबालिकाले भाग लिन इच्छुक भएमादेहाय बमोजिम बनाइएको Paintings/Worksको पछाडिपट्टिअंग्रेजीको Block Letters मा बालबालिकाकोa) Full Name, b) Date of birth, c) Sex: (Male/Female), d) Nationality: Nepali,e) Country: Nepal, f) E-mail, g) Telephone no. र  h) Full Address लेखी इजिप्टको"The Foreign Cultural Relations. Ministry of Culture, 44, Messaha ST., Dokki-Giza, Egypt"ठेगानामा मिति २०७६ साल जेठ १६ गतेभित्र पुग्ने गरी कुरीयर मार्फत पठाउनु हुन तथा पठाउने कार्यमा समन्वय, सहयोग तथा जानकारी गराउनु हुनसम्बन्धित सबै बालबालिका, शिक्षक, अभिभावक, विद्यालय, स्थानीय तह र बाल गृहलार्इ यसै सूचनाद्वारा जानकारी गराइन्छ ।

राष्ट्रिय बाल दिवस २०७५ मूल समारोह सम्पन्न

सुखी नेपाली, समृद्ध नेपाल : बाल अधिकार सबैको सरोकार” भन्ने मूल नाराका साथ राष्ट्रिय बाल दिवस २०७५ देशैभरि विभिन्न कार्यक्रम गरी मनाइएको छ । महिला, बालबालिका तथा ज्येष्ठ नागरिक मन्त्रालय र केन्द्रीय बाल कल्याण समितिको संयुक्त आयोजनामा भदौ २९ गते राष्ट्रिय बाल दिवस २०७५ मूल समारोह भव्यताका साथ सम्पन्न भएको छ ।

संघीय संसदको महिला तथा सामाजिक समितिका माननीय सदस्यहरुसंगको बालबालिकाको विषयमा अन्तरक्रिया कार्यक्रम

महिला, बालबालिका तथा ज्येष्ठ नागरिक मन्त्रालय र केन्द्रीय बालकल्याण समितिको संयुक्त आयोजनामा मिति २०७५ भदौ १२ गतेसंघीय संसदको महिला तथा सामाजिक समितिका माननीय सदस्यहरुसंगको बालबालिकाको विषयमा अन्तरक्रिया कार्यक्रम नयाँ बानेश्वर स्थित इन्द्रेणी फुडल्याण्डमा सम्पन्न गरिएको छ ।

बालसंवेदनशील सामुदायिक राष्ट्रिय पुरस्कार २०७४ वितरण

बालअधिकार संरक्षण तथा सम्वर्धनको विषयमा रेडियो कार्यक्रम, रिपोर्टिङ्ग र रेडियोको स्वःयोगदानको रुपमा बालअधिकारसंग सम्बन्धित सार्वजनिक सन्देशहरु उत्पादन तथा प्रसारण गर्ने उत्कृष्ट सामुदायिक रेडियोलाई बालसंवेदनशील सामुदायिक रेडियो पुरस्काद्वारा यही मिति २०७५/३/६ गते बुधबारका दिन राजधानीमा पुरस्कृत गरिएको छ । 

बालमैत्री सञ्चार निर्देशिका २०७३, सम्बन्धी प्रदेशस्तरीय अभिमूखीकरण कार्यक्रम

बालबालिकासंग सम्बन्धित रिपोर्टीङ गर्ने सन्दर्भमा सबैको साझा बुझाई कायम गर्न केन्द्रीय बालकल्याण समिति, प्रेस काउन्सिल नेपाल, सूचना विभाग र नेपाल पत्रकार महासंघको संयुक्त प्रयासमा बालमैत्री सञ्चार निर्देशिका, २०७३ जारी भई यसले गरेका व्यवस्थाहरुको बारेमा थप व्यख्या, टिप्पणीसहितको जानकारी पुस्तिका पनि प्रकाशित भईसकेको छ ।

बालसंवेदनशील राष्ट्रिय पत्रकारिता पुरस्कार २०७४ वितरण

बालबालिकाको क्षेत्रमा विभिन्न विधामा बालसंवेदनशील समाचारहरु लेखेर योगदान पु¥याए बापत विभिन्न सञ्चार माध्यममा कार्यरत आठ जना पत्रकारहरुलाई यही मिति २०७५/२/३१ बिहीबारका दिन पुरस्कृत गरिएको छ । 

प्रदेश नं.३ को सरकार र बालअधिकार संरक्षण तथा प्रवर्धन सम्बन्धी प्रदेशस्तरीय अन्तरक्रिया कार्यक्रम

सामाजिक विकास मन्त्रालय र केन्द्रीय बालकल्याण समितिको आयोजनामा मिति २०७५ जेठ २५ गते बालअधिकार संरक्षण तथा प्रवर्धन सम्बन्धी १ दिने प्रदेशस्तरीय अन्तरक्रिया कार्यक्रम सम्पन्न भएको छ । उक्त कार्यक्रममा बालअधिकारको क्षेत्रमा हालसम्म भएका उपलब्धि, असल अभ्यास र अनुभवहरु आदान प्रदान गर्नुका साथै प्रदेश सरकार र बालअधिकारसम्बन्धी कानूनी, नीतिगत तथा कार्यक्रमगत व्यवस्थाबारे व्यापक छलफल गरिएको थियो ।

स्थानीय तहमा बालसंरक्षण तथा बालअधिकारमा आधारित सहभागितामूलक योजना तर्जुमा सम्बन्धी छलफल कार्यक्रम

केन्द्रीय बालकल्याण समितिको आयोजना तथा जिल्ला बालकल्याण समिति एवम् महिला तथा बालबालिका कार्यालय बझाङ्गको समन्वयमा मिति २०७५ जेठ १६ गते जिल्ला बालकल्याण समितिका पदाधिकारी, जिल्ला समन्वय समितिका प्रमुख एवम् निर्वाचित जनप्रतिनिधि, जिल्लास्थित विभिन्न संघसंस्थाका प्रतिनिधिहरुको सहभागितामा स्थानीय तहमा बालसंरक्षण तथा बालअधिकारमा आधारित सहभागितामूलक योजना तर्जुमा सम्बन्धी छलफल कार्यक्रम सम्पन्न भएको छ । 

स्थानीय तहमा बालसंरक्षण तथा बालअधिकारमा आधारित सहभागितामूलक योजना तर्जुमा सम्बन्धी छलफल कार्यक्रम

केन्द्रीय बालकल्याण समितिको आयोजना तथा जिल्ला बालकल्याण समिति एवम् महिला तथा बालबालिका कार्यालय डडेल्धुराको समन्वयमा मिति २०७५ जेठ १५ गते जिल्ला बालकल्याण समितिका पदाधिकारी, जिल्ला समन्वय समितिका प्रमुख एवम् स्थानीय समन्वय समितिका पदाधिकारी, निर्वाचित जनप्रतिनिधि, जिल्ला स्थित विभिन्न संघ संस्थाका प्रतिनिधिहरुको सहभागितामा स्थानीय तहमा बालअधिकारमा आधारित सहभागिता मूलक योजना तर्जुमा सम्बन्धी छलफल कार्यक्रम सम्पन्न भएको छ ।