कारभित्र मृत भेटिएका बालकहरूको खुल्यो पहिचान

https://www.setopati.com/social/236258 वैशाख १९

दाङमा पार्किङ गरिराखेको भारतीय नम्बर प्लेटको कारभित्र मृत फेला परेका तीन बालकहरूको पहिचान खुलेको छ।

उनीहरू सबै तुलसीपुर उपमहानगरपालिका वडा नम्बर ६ बरूवा गाउँका हुन्।

इलाका प्रहरी कार्यालय तुलसीपुरका प्रहरी नायब उपरीक्षक शिवबहादुर सिंहका अनुसार कारभित्र मृत भेटिएका स्थानीय किरण परियारका छोरा ६ वर्षीय करण परियार तथा स्थानीय सन्तोष परियारका छोरा ७ वर्षीय सुवास भनिने सुवर्ण परियार र सोही ठाउँका स्थानीय भीमबहादुर परियारका छोरा ९ वर्षीय सन्दिप परियार हुन्।

पोखरीमा डुबेर बालकको मृत्यु

http://annapurnapost.com/news/178761 १६ बैशाख २०७८

पौडी खेल्नेक्रममा उदयपुरका एक बालकको  मृत्यु भएको छ। बुधबार दिउँसो १२ बजे मामाको घरबाट पौडी खेल्न गएका त्रियुगा नगरपालिका-४ वगाहाका १५ वर्षीय बालक विवेक ढकालको पोखरीमा डुबेर मृत्यु भएको हो। 

बालविवाह गरेको आरोपमा १४ वर्षीय किशोर पक्राउ

https://www.onlinekhabar.com/2021/04/949735 २०७८ वैशाख १६

१६ वैशाख, सल्यान । बालविवाह गरेको आरोपमा १४ वर्षीय किशोरलाई प्रहरीले पक्राउ गरेको छ । वनगाड कुपिण्डे नगरपालिका निवासी किशोरलाई प्रहरीले बिहीबार पक्राउ गरेको हो ।

वैशाख १३ गते राति खान खाएर सुतिसकेका अवस्थामा स्थानीय किशोरले आफ्नी छोरी भगाएर लगेको थाहा पाएपछि बालिकाका बुवाले फिर्ता ल्याएर जाहेरी दिएपछि किशोर र उनका बाबुलाई प्रहरीले पक्राउ गरेको हो ।

रोल्पामा चट्याङले एक बालकको मृत्यु : दुई घर जले

http://annapurnapost.com/news/178790 १६ बैशाख २०७८

रोल्पामा चट्याङले एक बालकको मृत्यु भएको छ भने दुईवटा घर जलेका छन्। 

बिहीवार दिउँसो वर्षातसँगै परेको चट्याङमा परेर पुर्वी रोल्पाको सुनछहरी गाउँपालिका-७ जेलबाङका ९ वर्षीय अभिशेख पुनको ज्यान गएको हो। 

जिल्ला प्रहरी प्रमुख एवं प्रहरी नायव उपरीक्षक नरेशराज सुवेदीका अनुसार चट्याङमा परेका पुनको उपचारका लैजाने क्रममा बाटोमै मृत्यु भएको हो। आमासँगै बहिनीको पोबाङ बैंकमा पोषण भत्ताका लागि खाता खोलेर घर फर्किने क्रममा याबाङ जंगलमा चट्याङमा परेका थिए। सँगै रहेका आमा र मामालाई चट्याङको धमाकाले सामान्य चोट लागेको गाउँलेले बताएका छन्। 

आगोमा जलेर महोत्तरीमा बालकको मृत्यु

https://www.onlinekhabar.com/2021/04/949298  २०७८ वैशाख १५

१५ वैशाख, काठमाडौं । महोत्तरीको पिपरा गाउँपालिका–५ मा आगोमा जलेर एक बालकको मृत्यु भएको छ । मृत्यु हुनेमा पिपरा गाउँपालिका–५ का श्रवण यादवका सातमहिने छोरा आकाशकुमार यादव रहेको जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टले जानकारी दिए ।

कपिलवस्तुमा छोरीलाई बलात्कार गरेको आरोपमा बुवा पक्राउ

https://ratopati.com/story/177896/2021/4/29/rape-news बैशाख १६, २०७८

कपिलवस्तुको बुद्धभूमि नगरपालिका–३ स्थित घनचौराका ४० वर्षीय बुवाले छोरीलाई बलात्कार गरेका छन् । छोरीलाई बलात्कार गरेको आरोपमा प्रहरीले उनलाई पक्राउ गरेको छ ।

मोबाइल चार्ज गर्ने क्रममा करेन्ट लागेर सप्तरीमा किशोरको मृत्यु

https://www.setopati.com/social/235984 वैशाख १५

मोबाइल चार्ज गर्नेक्रममा करेन्ट लागेर एक जनाको मृत्यु भएको छ।

सप्तरीको सुरूङ्गा नगरपालिका-१ को तेतरिया बस्ने १६ वर्षीय रामु सदाईको बुधबार दिउँसो पौने २ बजे करेन्ट लागेर मृत्यु भएको हो।

छात्रावासमा बसेकी छात्राको मृत्यु

https://www.onlinekhabar.com/2021/04/948272 २०७८ वैशाख ११

११ वैशाख, बुटवल । रुपन्देहीको एक निजी विद्यालयको छात्रावासमा बस्दै आएकी एक छात्राको उपचारका क्रममा मृत्यु भएको छ । तिलोत्तमाको नयाँमिलस्थित प्यारामाउन्ट बोर्डिङ स्कुलमा कक्षा १० मा अध्ययनरत १५ वर्षीया प्रतिमा सापकोटाको मृत्यु भएको हो ।

ज्वरो र पेट दुख्ने समस्या देखिएकी उनलाई शनिबार परिवारका सदस्यले मणिग्रामस्थित क्रिमसन अस्पतालमा उपचारका लागि लगेका थिए । तर अस्पताल पुर्‍याएलगत्तै उनको मृत्यु भयो ।

झापामा करेन्ट लागेर किशोरीको मृत्यु

https://www.setopati.com/social/235578 वैशाख ११

विद्युतीय करेन्ट लागेर झापाको दमकमा आज एक किशोरी को मृत्यु भएको छ । 

मृत्यु हुनेमा दमक नगरपालिका–२ त्रिवेणीटोलकी १५ वर्षीया सविना श्रेष्ठ रहेको इलाका प्रहरी कार्यालय दमकले जनाएको छ ।

बुबाको हत्या गरेको आरोपमा १७ वर्षीय किशोर पक्राउ

https://ratopati.com/story/177016/2021/4/23/murder-case बैशाख १०, २०७८

काठमाडौं । सुनसरीको प्रकाशपुरमा बुवाको हत्या गरेको आरोपमा १७ वर्षीय किशोरलाई प्रहरीले पक्राउ गरेको छ ।

बराहक्षेत्र नगरपालिका–९ स्थित प्रकाशसपुर घर भएका ३८ वर्षीय उपेन्द्र पौडेलेको हत्या आरोपमा उनका छोरालाई पक्राउ गरिएको सुनसरीका एसपी कमल थापाले रातोपाटीलाई बताए ।

रूखकाे हाँगाले लागेर बालककाे मृत्यु

https://www.setopati.com/social/235373  वैशाख ९

झापाको कमल गाउँपालिका वडा नं ५ सीतापुरीमा रूखकाे हाँगा भाँचिएर लाग्दा एक जना बालककाे मृत्यु भएको छ।

ट्याक्टरले किचेर पर्सामा दुई वर्षीय बालकको मृत्यु

https://www.onlinekhabar.com/2021/04/946542 २०७८ वैशाख ५

५ वैशाख, काठमाडौं । पर्साको जगरनाथपुर गाउँपालिका–५ मा ट्याक्टर किचेर दुई वर्षीय बालकको मृत्यु भएको छ ।

आइतबार बिहान ना ४ त १७०८ नम्बरको ट्याक्टरले किचेर जगरनाथपुर गाउँपालिका–५ मधुआका पानालाल पटेलका दुई वर्षीय छोरा निपेश पटेलको मृत्यु भएको हो ।

विराटनगरमा खोलामा डुबेर बालकको मृत्यु

https://www.onlinekhabar.com/2021/04/946538 २०७८ वैशाख ५

५ वैशाख, काठमाडौं । खोलामा डुबेर विराटनगरमा एक बालकको मृत्यु भएको छ । आइतबार सिंगिया खोलामा डुबेर विराटनगर महानगरपालिका–८ का सात वर्षीय छोरा उप्लव बस्नेतको मृत्यु भएको हो ।

बालिका बलात्कार गरेको आरोपमा किशोर पक्राउ

https://ratopati.com/story/176253/2021/4/18/rape-  बैशाख ५, २०७८

काठमाडौं । बालिका बलात्कार गरेको आरोपमा प्रहरीले सप्तरीको कञ्चनरुप नगरपालिका–७ बलुवा घर भएका सुनिल कुमार यादवलाई पक्राउ गरेको छ । १९ वर्षीय सुनिलले १५ वर्षीया बालिकालाई बलात्कार गरेको जिल्ला प्रहरी कार्यालय सप्तरीले जनाएको छ । बालिका बलात्कार गरेर भागेका उनलाई ईलाका प्रहरी कार्यालय कञ्चनपुरबाट खटिएको टोलीले पक्राउ गरेको हो ।

बेपत्ता बालकको शव सिंघीया खोलामा भेटियो

https://www.onlinekhabar.com/2021/04/946412  २०७८ वैशाख ५

५ वैशाख, विराटनगर । शनिबारबाट बेपत्ता भएका बालक आइतबार बिहान मृत भेटिएका छन् ।

शनिबार साँझदेखि हराइरहेका विराटनगर महानगरपालिका-८ का ७ वर्षीय बालक उलभ बस्नेत सिंघीया खोलामा मृत फेला परेका हुन् ।

बैतडीमा बालकको हत्या, एकजना पक्राउ

https://www.onlinekhabar.com/2021/04/946321 २०७८ वैशाख ४

४ वैशाख, काठमाडौं । हतौडा प्रहारबाट बैतडीमा एक बालकको हत्या भएको छ ।  दशरथचन्द नगरपालिका–१ झोकालीका १५ वर्षीय महेश भुलको शनिबार बिहान हत्या भएको हो ।

महेशको हत्या गरेको आरोपमा दोगडाकेदार गाउँपालिका–३ सिल्लेगडाका मामा नाता पर्ने २२ वर्षीय नारायण भुललाई प्रहरीले पक्राउ गरेको छ । खोचलेक प्रहरी चौकीका इञ्चार्ज मोती बमका अनुसार मामाघर दोगडाकेदार आएका महेशमाथि नारायणले घरमै  हतौडा  प्रहार गरेका हुन् । हतौडा प्रहार भएलगत्तै महेशको घटनास्थलमै मत्यु भएको प्रहरीले जनाएको छ ।

ट्याक्टरबाट खसेर गोरखामा एक विद्यार्थीको मृत्यु

https://www.setopati.com/social/234385 चैत ३१

ट्याक्टरबाट खसेर गोरखामा एक जना विद्यार्थीको मृत्यु भएको छ। 

गोरखाको सहिदलखन गाउँपालिका वडा नम्बर ९ छेलाङ नजिकै आज बिहान गुडिरहेको ट्याक्टरबाट खसेर सरस्वती आधारभूत विद्यालयमा कक्षा ७ मा पढ्ने १३ वर्षीय विद्यार्थी विवश ढकालको मृत्यु भएको हो।

गोरखाको घैरूङबाट नाम्जुङ गाउँतर्फ आइरहेको ग १ त ४५८२ नम्बरको ट्याक्टरबाट खसेर ढकालको मृत्यु भएको हो।

तीन दिनदेखि हराएकी बालिकाको शव भेटियो

http://annapurnapost.com/news/177748 २४ चैत २०७७ 

मुगु : शनिबारदेखि हराएकी एक बालिकाको शव भेटिएको छ। सोरु गाउँपालिका-९ कि ९ वर्षीया लक्ष्मी चौलागाईको शव मुगु कर्णाली नदीमा भेटिएको हो। 

सोरु गाउँपालिका-८ तारापानीबाट हराएको जानकारी पाएपछि प्रहरी र स्थानीयले खोजतलास गर्दा कतै फेला नपरेकी बालिकाको शव सोमबार माछा मार्न गएका स्थानीयले भेटेका हुन्। 

प्यूठानमा आगलागीमा परेर दुई बालबालिकाको मृत्यु

https://ekantipur.com/pradesh-5/2021/04/07/161777856364395417.html चैत्र २५, २०७७

प्यूठान — प्यूठानको गौमुखी गाउँपालिका–३ रजवारामा एक गोठमा आगलागी हुँदा दुई  बालबालिकाको मृत्यु भएको छ ।

बुधबार बिहान ९ बजे स्थानीय रमेश रानाको गोठमा आगलागी हुँदा उाका सात वर्षीय छोरा हिमाल राना र तीन वर्षीया छोरी चन्द्रकला रानाको मृत्यु भएको गाउँपालिका अध्यक्ष विष्णुकुमार गिरीले जानकारी दिए ।

गुल्मीमा आगलागीमा परेर बालिकाको मृत्यु

https://ekantipur.com/pradesh-5/2021/04/02/161736081160272775.html चैत्र २०, २०७७

पाल्पा — गुल्मीको धुर्कोट गाउँपालिका–७, वाग्ला धाराखोलामा आगलागीमा परेर शुक्रबार एक बालिकाको मृत्यु भएको छ ।

जिल्ला प्रहरी कार्यालय गुल्मीका अनुसार ९ वर्षीया संगीता परियारको घर नजिकैको धाराखोली बले सल्ला सामुदायिक वनमा आगलागी हुँदा जलेर मृत्यु भएको हो ।