ट्याक्टरले किचेर पर्सामा दुई वर्षीय बालकको मृत्यु
https://www.onlinekhabar.com/2021/04/946542 २०७८ वैशाख ५
५ वैशाख, काठमाडौं । पर्साको जगरनाथपुर गाउँपालिका–५ मा ट्याक्टर किचेर दुई वर्षीय बालकको मृत्यु भएको छ ।
आइतबार बिहान ना ४ त १७०८ नम्बरको ट्याक्टरले किचेर जगरनाथपुर गाउँपालिका–५ मधुआका पानालाल पटेलका दुई वर्षीय छोरा निपेश पटेलको मृत्यु भएको हो ।
ट्याक्टरले किचेर गम्भीर घाइते भएका बालकको उपचारका लागि वीरगञ्जतर्फ लैजाने क्रममा बाटोमै मृत्यु भएको प्रहरीले जनाएको छ । ट्याक्टर चालकलाई प्रहरीले नियन्त्रणमा लिएको छ ।
