झापाको अर्जुनधारामा एक सातामा २ बलात्कारको घटना
चार वर्षीया बालिकामाथि बलात्कार भएको एक साता बित्न नपाउँदै झापाको अर्जुनधारामा फेरि १३ वर्षीया किशोरीमाथि बलात्कारको प्रयास भएको छ ।शनिश्चरे प्रहरी चौकीका अनुसार सोमबार राति राति पौने १० बजे शौचालय गएकी दिदीलाई कुरिरहेकी १३ वर्षीया बालिकामाथि सामुहिक बलात्कारको प्रयास भएको हो । मामाघरमा बस्दै आएकी ती बालिकालाई आरोपितद्वय अर्जुनधारा ९का २८ वर्षीय बालकृष्ण घिमिरे र २४ वर्षीय पेमा तामाङले जबरजस्ती बलात्कारको प्रयास गरेको शनिश्चरे प्रहरी चौकीका प्रमुख सुरेशकुमार संग्रौलाले बताउनुभयो । घटनामा संलग्न उनीहरुलाई पक्राउ गरेर इलाका प्रहरी कार्यालय बिर्तामोडमा राखी थप अनुसन्धान भइरहेको प्रहरीले जनाएको छ । यसैबीच ्बुधबार बिर्तामोडमा विभिन्न महिला संगठनहरुले बलात्कारीलाई कडा कानुनी सजायको व्यवस्था गर्न माग गर्दै प्रदर्शन गरेका छन् । उनीहरुले बलात्कारीलाई फाँसीको सजाय हुनुपर्ने माग गरेका छन् । गएको साता अर्जुनधारा–२ झेलेनीका १५ वर्षीय किशोरले ४ वर्षीया वालिकालाई बलात्कार गरेका थिए ।
२०७५ साउन २३ गते ५:१४ मा प्रकाशित
