सातादेखि २ बालिका बेपत्ता

बन्गाडकुपिण्डे नगरपालिका १०, माझकाँडाबाट एक सातादेखि दुई बालिका बेपत्ता भएका छन् । भगवती अधारभूत विद्यालयमा कक्षा ७ मा अध्ययनरत १३ वर्षीया खिमा ओली र कक्षा ६ मा अध्ययनरत १२ वर्षीया प्रतिभा बटाला बेपत्ता भएका हुन् । उनीहरू भदौ १९ देखि घरबाटै हराएको अभिभावकले जनाएका छन् । छोरी हराएको दिनदेखि परिवारका सबै सदस्य आत्तिएको खिमाका बुबा अमरले बताए । ‘उनीहरू जानसक्ने सबै ठाउँमा खोजिसक्यौं, विभिन्न ठाउँमा रहेका आफन्तलाई खोज्न पनि लगायौं,’ उनले भने, ‘तर कतै फेला परेनन् ।’ छोरी हराएदेखि परिवारका सदस्यले राम्ररी खान र सुत्न नपाएको उनको गुनासो छ । छोरीको पत्ता लाग्न नसकेपछि प्रहरीमा हुलियासहित निवेदन उनले जानकारी दिए । खोजी गरिदिन भन्दै अभिभावकले बालुवासंग्रही प्रहरी चौकीमा निवेदन दिएका छन् ।

२०७६ भदौ २६ गते १०:३७ मा प्रकाशित