चट्याङबाट डोटीमा दुई बालकको मृत्यु

डोटी जोरायल गाउँपालिका–२ डाँडाखालीमा बुधबार दिउँसो चट्याङ पर्दा दुई जनाको मृत्यु भएको छ । जिल्ला प्रहरी कार्यालय डोटीका प्रहरी नायव उपरीक्षक शिवबहादुर सिंहका अनुसार मृत्यु हुनेमा स्थानीय चक्र भण्डारीका ११ वर्षीय छोरा ओमप्रसाद भण्डारी र खेम भण्डारीका नौ वर्षीय छोरा भुवन भण्डारी रहेका छन् । खेम भण्डारीका घरको भान्सामा खेलिरहेका बेला परेको चट्याङले दुवैको ज्यान गएको सिंहले जानकारी दिए । घटनास्थल पुगेर प्रहरीले पोस्टमार्टमको प्रक्रिया अगाडि बढाइरहेको जनाएको छ ।

२०७४ चैत्र २८ गते ४:०६ मा प्रकाशित