ट्रयाक्टर पल्टिँदा सडक छेउमा खेलिरहेका दुई बालकको मृत्यु
रौतहटमा ट्रयाक्टर पल्टिँदा दुई अबोध बालकको मृत्यु भएको छ। ना ३ त ६२८४ नम्बरको ट्रयाक्टर माटो पुर्ने क्रमममा सडकबाट पल्टिँदा सडक छेउमा खेलिरहेका दुई बालकको च्यापिएर मृत्यु भएको प्रहरीले जनाएको छ। रौतहटको गढीमाई नगरपालिका वार्ड नम्बर २ हथिऔल टोलका प्रभु बैठाको ५ वर्षका छोरा विकास बैठा र स्थानीय अन्होती दासको ७ वर्षका छोरा रविलाल दासको ट्रयाक्टर घटनास्थलमै मृत्यु भएको प्रहरीले जनाएको छ। दुर्घटनामा परेको ट्रयाक्टर र चालकलाई नियन्त्रणमा लिएर अनुसन्धान थालिएको इलाका प्रहरी कार्यालय गरुडाका प्रहरी निरीक्षक गोविन्द थापाले जानकारी गराएका छन् ।
२०७४ चैत्र २५ गते ६:१७ मा प्रकाशित
