जीपको ठक्करबाट ८ कक्षामा पढ्ने छात्राको ज्यान गयो

दाङको बिजौरीमा बुधवार जीपको ठक्करबाट एक पैदल यात्रुको ज्यान गएको छ । तुलसीपुर उपमहानगरपालिका–१८,विजौरीमा पिकअप जीपको ठक्करबाट तुलसीपुर उपमहानगरपालिका–१९,दोघरेकी १६ वर्षकी सोनिया नेपालीको ज्यान गएको इलाका प्रहरी कार्यलय तुलसीपुरले जानकारी दिएको छ । घोराहीबाट तुलसीपुरका लागि छुटेकोे लु १ च ४६३६ नम्बरको कुखुरा बोक्ने पिकअपले नेपालीलाई ठक्कर दिएको थियो । जीपको ठक्करबाट गम्भीर घाइते नेपालीको राप्ती अञ्चल अस्पतालमा उपचारको क्रममा ज्यान गएको हो । बाल बाटिका बोर्डिङ स्कुलमा कक्षा ८ को जिल्ला स्तरीय परिक्षा दिन जाँदै गरेको बेला पिकअपले ठक्कर दिएका थियो ।

२०७४ चैत्र ७ गते २:२४ मा प्रकाशित