६ वर्षीया बालिका बलात्कारको आरोपमा एक पक्राउ

मकवानपुरको विकट कैलाश गाउँपालिका– ८ मा ६ वर्षीया बालिका बलात्कार आरोपमा एक किशोर पक्राउ परेका छन् । बालिका खेलिरहेको अवस्थामा मकैबारीमा लगेर ४ साउनमा बलात्कार गरेको आरोपमा १६ वर्षीय किशोरलाई प्रहरीले पक्राउ गरेको छ । 

बालिका बिरामी भएपछि परिवारले सोधपुछ गर्दा बलात्कृत भएको थाहा पाएपछि प्रहरीलाई खबर गरेको वडाध्यक्ष सुर्जबहादुर थिङले जानकारी दिए । अशक्त अवस्थामा रहेकी बालिकालाई पनि उद्धार गरिएको प्रहरीले जनाएको छ ।