जाजरकोटमा ज्वरोले शिशुको मृत्यु

जुनीचाँदे गाउँपालिका–३ डाँडाकोटमा रुघाखोकी र ज्वरोको कारण जयबहादुर विकका छ महिने शिशु रोशनको आज मृत्यु भएको छ । तीन दिनदेखि रुघाखोकी र ज्वरोबाट थला परेका रोशनको उपचारका क्रममा मजकोटको सानाखोलास्थित निजी क्लिनिकमा मृत्यु भएको वडाध्यक्ष रामबहादुर नेपालीले बताए । गत पुसमा जुनीचाँदेमा फैलिएको हङकङ फ्लोबाट सात बालबालिकासहित १४ जनाको ज्यान गएको थियो भने दुई हजार बिरामी परेका थिए । 

२०७४ माघ ११ गते प्रकाशित