सात वर्षीय बालिकालाई बलात्कार गरी फरार रहेका व्यक्ति पक्राउ
नवलपरासीको बर्दघाट नगरपालिकामा सात वर्षीय बालिकालाई बलात्कार गरी फरार रहेका ब्यक्तिलाई प्रहरीले पक्राउ गरेको छ । बालिकालाई करणी गरेको आरोपमा प्रहरीले बर्दघाट –१६ बस्ने ४७ वर्षका कमल चौधरीलाई पक्राउ गरेको हो । जिल्ला प्रहरी कार्यालय नवलपरासीका अनुसार चैत्र ३ गते दिउँसो बर्दघाट स्थित मुरलीटार जंगलमा बयर खान गएका दुईजना बालिकालाई ललाई फकाई चौधरीले बलात्कार गरेर फरार रहेका थिए । चौधरीलाई बर्दघाट स्थित मुरलीटार जंगलमा लुकेर बसेको अवस्थामा पक्राउ गरीएको प्रहरीले जनाएको छ । पक्राउ परेका चौधरीलाई जबरजस्ती करणीको मुद्धा दायर गरी थप अनुसन्धानका गरिएको जिल्ला प्रहरी कार्यालय नवलपरासीले जनाएको छ ।
२०७४ चैत्र ५ गते ७:२६ मा प्रकाशित
