अत्याधिक चिसोको कारण धनुषाका विद्यालय एक सातालाई बन्द
अत्याधिक चिसो बढेपछि धनुषाका विद्यालयहरु सोमबारदेखि एक साताका लागि बन्द गरिएको छ । विगत केही दिनदेखि निरन्तर चिसो बढेर शीतलहर हुन थालेपछि जिल्ला शिक्षा विकास तथा समन्वय इकाई समिति धनुषाले विद्यालयहरु ५ दिन बन्द गर्नुपरेको बताएको छ । जिल्ला शिक्षा समन्वय ईकाइ धनुषाका प्रमुख बरखु प्रसाद रजकले अत्याधिक बढेको चिसोले विद्यार्थीको स्वास्थ्यमा प्रतिकुल असर पर्ने हुनाले जिल्लाका विद्यालयमा विदाको दिने घोषणा गरेको जानकारी दिए । त्यस्तै प्याबसन र एन–प्याबसन धनुषाले ३ दिनसम्म निजी विद्यालयहरुमा विदाको घोषणा गरेका छन् । निजी विद्यालयहरुले पुस १४ गते सोमबारदेखि १६ गते बुधबारसम्म बिदा दिने निर्णय गरेको जनाएका छन्।
२०७६ पुष १४ गते प्रकाशित
