बालबालिकालाई स्कुलमै दूध

झापा मेचीनगर १२ सरेडाँगीको सरस्वती बालकल्याण माविका बालविकासका ६८ विद्यार्थीले हरेक दिन एक गिलास दूध पिउने भएका छन् । स्थानीय ऋतिका डेरीले बालबालिकाका लागि दैनिक १५ लिटर शुद्ध दूध उपलव्ध गराउने भएपछि बालबालिकाले स्कुलमै दूध पिउन पाउने भएका हुन् । डेरीका सञ्चालक राजन चिमरियाले विद्यालय लागेका दिन टिफिन टाइममा हरेक बालबालिकालाई एक वर्षसम्म निस्शुल्क एक गिलास दूध उपलव्ध गराउने बताए । ३९ औं शिक्षा दिवसका सन्दर्भ पारेर शुक्रबार झापा क्षेत्र १ का प्रतिनिधिसभा सदस्य राम कार्कीले यो अभियानको थालनी गरे । 

२०७५ भदौ २४ गते ९:२५ मा प्रकाशित