नाबालिका बलात्कार आरोपमा पक्राउ

नाबालिकालाई करणी गरी फरार रहेका एक व्यक्तिलाई प्रहरीले पक्राउ गरेको छ ।बालिकालाई पटकपटक बलात्कार गरी फरार रहेका लालीगुराँस नगरपालिका-३ मुसाङखेलका ५४ वर्षीय अभियुक्त शंकर थापालाई प्रहरीले एक वर्षपछि काठमाडौंबाट पक्राउ गरी जिल्ला ल्याइएको हो । बालिकालाई थापाले पटकपटक करणी गरेको भन्दै गत वर्ष असोज २७ गते बालिकाकी आमाले इलाका प्रहरी कार्यालय बसन्तपुरमा किटानी जाहेरी दिएकी थिइन् । जाहरी लगत्तै थापा फरार थिए ।फरार रहेका थापालाई नेपाल प्रहरीको केन्द्रीय अनुसन्धान व्युरो ९सिआईबी० को सहयोगमा काठमाडौंको गौशालाबाट गत असोज १२ गते पक्राउ गरिएको प्रहरी नायव उपरीक्षक टेकबहादुर कार्कीले बताए । पक्राउ परेका थापालाई जबरजस्ती करणी सम्बन्धि अपराधमा मुद्दा दर्ता गरिएको प्रहरीले जनाएको छ ।

 २०७५ असोज १५ गते ४:४२ मा प्रकाशित