बालिका बलात्कृत

तल्कोट गाउँपालिका वडानम्बर २ मा एक जना बालिकाको बलात्कार भएको छ । सुस्त मनस्थिती भएकी ती बालिकालाई स्थानीय ४० वर्षीय फिट्टु कुँवरले बलात्कार गरेको पीडितका आफन्तले बताएका छन् । असार ३ गते दिउँसो बालिकाको बलात्कार भएको भएपनि घटनास्थल टाढा भएका कारण पीडितहरु प्रहरीको सम्पर्कमा आएपछि मात्र घटना सार्वजनिक भएको हो । दिउँसो ४ बजेतिर मदिरा सेवन गरेर मातेका आरोपी कुँवरले बालिकालाई उनकै गोठमा लगेर बलात्कार गरेको पीडितका आफन्तले बताएका छन ।गाउँका सबै मान्छे खेतमा काम गर्न गएको बेला घटना भएको र घटना भइसकेपछि बालिका चिच्याउँदै बाहिर निस्केपछि अरुले थाहा पाएका थिए । आरोपी कुँवर फरार छन् । सुस्तमनस्थिती भएकी १३ वर्षीया बालिका स्पष्ट रुपमा बोल्न सक्दिनन् । उनको जिल्ला अस्पताल बझाङमा स्वास्थ्य परिक्षण गरिएको र मंगलबार मुद्दा दर्ता गरिने जिल्ला प्रहरी कार्यालय बझाङका डीएसपी ऋषिराम कुँवरले जानकारी दिए ।

पटक पटक बलात्कार
सुस्त मनस्थिती भएकी ती बालिकाको यसअघि पनि थुपै्र पटक बलात्कार भएको स्वास्थ्य परिक्षणबाट देखिएको छ स्वास्थ्य परिक्षणमा संलग्न एकजना स्वास्थ्यकर्मीले जानकारी दिए । बालिकासँग कुराकानी गर्दापनि यस अघि सोही व्यक्तीले बलात्कार गरेको खुल्न आएको छ।

२०७५ असार ५ गते ५:३९ मा प्रकाशित