आरोपित पक्राउ
लोहरपट्टी नगरपालिका–७ की ९ वर्षीया बालिकालाई बलात्कार गरेको आरोपमा एक जना युवकलाई प्रहरीले पक्राउ गरेको छ । सोही गाउँका १८ वर्षीय जमसेद राई पक्राउ परेका हुन् । पक्राउ परेका राईलाई अनुसन्धानका लागि जिल्ला प्रहरी कार्यालयमा हिरासतमा राखिएको छ । बालिकामाथि अप्राकृतिक मैथुन भएको स्वास्थ्य परीक्षणबाट थाहा भएको प्रहरीले जनाएको छ । बालिकाको रक्तस्राव भएपछि अभिभावकले सोधपुछ गर्दा बलात्कृत भएको खुलासा भएको हो । बालिकामाथि बलात्कार भएको किटानी जाहेरीसहित अभियुक्त जमसेद राईविरुद्ध जिल्ला प्रहरी कार्यालयमा मुद्दा दर्ता गरिएको छ । उनीविरुद्ध अप्राकृतिक मैथुन तथा बाल यौन दुराचारको अभियोगमा मुद्दा दर्ता गरेको जिल्ला प्रहरी कार्यालयका नायव निरीक्षक सुखाडी साहले जनाए ।
२०७५ असार ५ गते ९:२९ मा प्रकाशित
