नाबालिकालाई जबरजस्ती करणी गरेको आरोपमा एकजना पक्राउ

जबरजस्ती करणी गरेको आरोपमा प्रहरीले सप्तरीको अग्निसाइर कृष्णसवरण गाउँपालिका वडा नम्बर १ का २० वर्षका सुन्दरकुमार सदालाई पक्राउ गरेको छ । स्थानीय ७ वर्षीया नाबालिकालाई सदाले घरमा कोही नभएको समयमा चौरीमा लगेर जबरजस्ती करणी गरेको अभियोगमा इलाका प्रहरी कार्यालय महुलीबाट खटिएको प्रहरी टोलीले सदालाई पक्राउ गरेको हो । पीडित बालिकाको संवेदनशील अंगबाट रगत बगिरहेको अवस्थामा बालिकाको उद्धार गरिएको प्रहरीले जनाएको छ । स्थानीय क्लिनिकमा प्रारम्भीक उपचारपछि थप उपचारको लागि बालिकालाई धरान रेफर प्रहरीले जनाएको छ । पक्राउ परेका सदामाथि आवश्यक थप अनुसन्धान भइरहेको प्रदेश प्रहरी कार्यालय प्रदेश नम्बर २ का प्रहरी नायव उपरीक्षक दानबहादुर थापाले जानकारी दिनुभयो ।

२०७५ पुस ११ गते ६:३६ मा प्रकाशित