छोरी बलात्कारीलाई १९ वर्ष जेल

नाबालिका छोरीलाई बलात्कार गरेको ठहर गर्दै जिल्ला अदालत मकवानपुरले बावुलाई १९ वर्ष कैद गर्ने फैसला गरेको छ । ७५ हजार रुपैयाँ पीडितलाई क्षतिपूर्ति भराउने आदेश पनि गरेको छ । जिल्ला न्यायाधीश खडानन्द तिवारीको बिहीबार बसेको इजलाशले हेटौंडा उपमहानगरपालिका(१२ का ३७ वर्षीया ९नाम परिवर्तित० लाई नाबालिकालाई बलात्कार गरेकोमा ९ वर्ष कैद र हाडनातामा करणी गरेको १० वर्षसहित १९ वर्ष कैद गर्ने फैसला गरेको हो। १३ वर्षीया बालिकालाई बावुले पटकरपटक बलात्कार गर्नुको साथै यौन दुर्व्यवहार गर्दै आएका थिए। पछिल्लो पटक बावुले २०७५ पुस २२ गते बलात्कार गरेका थिए। उक्त घटना बालिकाले छिमेकी महिलालाई भनेपछि उक्त अपराध सार्वजनिक भएको हो। प्रहरीले पुस २३ गते पक्राउ बावुलाई पक्राउ गरेको थियो। जिल्ला अदालत मकवानपुरले माघमा पुर्पक्षका लागि क्षेत्रीय कारागार भीमफेदी पठाएको थियो। नाबालिकाको आमाले दोस्रो विवाह गरेर अन्यत्र गएपछि उनलाई बावुले यौन दुर्व्यवहार र बलात्कार गर्न थालेका थिए।

२०७६ जेठ २३ गते ३:३१ मा प्रकाशित