१६ वर्षीया बालिकालाई बलात्कार गर्ने दुई आरोपीलाई पक्राउ
बाजुरा जिल्लाको बुढीगंगा नगरपालिका–७ झालीकी १६ वर्षीया बालिकालाई बलात्कार गरेको अभियोगमा दुई आरोपीलाई प्रहरीले पक्राउ गरेको छ । पीडित पक्षको उजुरीका आधारमा प्रहरीले शनिवार दुई जनालाई पक्राउ गरेको हो । शुक्रबार बिहान घरबाट घरयासी सामान किन्न बेतालमाण्डौं जाँर्दै गर्दा गाउँका दुईजना युवाले बाईकमा लगिदिने भन्दै बार्जुगाडु जंगलमा लिएर बलात्कार गरेको आरोप बालिकाले लगाएकी थिइन् । बालिकाले बुढीगंगा नगरपालिका ७ का ३० वर्षीय चन्द्र विष्ट र २२ वर्षीय शुनिल विकले बलात्कार गरेको वयान दिएपछि जिल्ला प्रहरी कार्यलय बाजुराले उनीहरुलाई पक्राउ गरेको हो । जिल्ला प्रहरी कार्यलयका प्रहरी नायव उपरिक्षक हरीबहादुर ओलीले पक्राउ गरिएको दुवैलाई अनुसन्धानका लागि हिरासतमा राखिएको जानकारी दिनुभयो ।
२०७४ फागुन ५ गते प्रकाशित
