तीन वर्षीया बालिका बलात्कृत
कञ्चनपुरको भीमदत्त नगरपालिका १२ मा तीन वर्षीया बालिका बलात्कृत भएकी छिन् । जिल्ला प्रहरी कार्यालय कञ्चनपुरका प्रहरी प्रवक्ता डीएसपी कृष्णराज ओझाका अनुसार आइतबार बेलुका छिमेकी १२ वर्षीय बालकले ती बालिकालाई बलात्कार गरेका हुन्। ‘घर नजिकै आगनमा खेलिरहेकी वालिकालाई अलि पर बोलाएर बलात्कार गरेको देखिएको छ’उनले भने, ‘बालिकाको स्वास्थ्य परीक्षण गरिएको छ, तर रिपोर्ट आएको छैन। उनका अनुसार बालिकाको योनीमा रगत देखिएको छ। परिवारको जानकारी पछि प्रहरीले बालकलाई नियन्त्रणमा लिएको थियो भने बालिकाको स्वास्थ्य परीक्षण गराएको छ। बालकलाई प्रहरीले जिल्ला प्रहरी कार्यालयमा राखेर घटनाका बारेमा अनुसन्धान गरिरहेको जनाएको छ। नाबालक नै रहेकाले उनलाई हिरासतमा राख्न नमिल्ने कानुनी प्रावधान छ। उनलाई हिरासत बाहिर राखेरै अनुसन्धान भइरहेको प्रहरीले जनाएको छ।
२०७५ कार्तिक ५ गते ३:०७ मा प्रकाशित
