समाचारमा बालबालिका

महिना दिन यौन शोषण गरे अनि कुटेर निकाले

बलात्कारपछि फरार तुलसीपुरका एक युवकलाई प्रहरीले पक्राउ गरेकोे छ । पक्राउ पर्नेमा तुलसीपुर उपमहानगरपालिका–४ रक्षाचौर निबासी शमिर वली रहेको ईलाका प्रहरी कार्यालय तुलसीपुरका प्रहरी निरीक्षक तथा प्रवक्ता चक्र डम्बर पालले जानकारी दिए । वली बिरुद्ध किशोरीलाई जबरजस्तीकरणी गरेको भन्दै मुद्दा दायर भएको थियो । मुद्धा दायर भए लगत्तै उनी भागेका थिए । उनलाई प्रहरीले शनिबार पक्राउ गरि आइतवार गरेका थिए । वलीले १७ बर्षीया एक किशोरीलाई विवाह गर्ने आशा देखाएर करिब एक महिना आफुसंगै राखेर यौन शोषण गरेको आरोप लागेको छ । उजुरी गर्नेहरुले वलीले किशोरीलाई एक महिनापछि कुटेर घरवाट निकालेको जोहरी दिएका छन् ।

२०७६ फागुन ५ गते प्रकाशित