बलात्कार आरोपमा पक्राउ
१५ वर्षीया बालिकालाई जबरजस्ती करणी गरी उनकै नग्न फोटो खिचेको आरोपमा बाँफीकोट गाउँपालिका–५, का १९ वर्षीय अम्मर विकलाई प्रहरीले पक्राउ गरेको छ । गत भदौ २ गते राति विकले घरमा कोही नभएको मौका छोपी ती बालिकालाई बलात्कार गरेको प्रहरीले जनाएको छ । घटनाबारे कसैलाई भने नग्न फोटो र भिडियो देखाइदिने भन्दै धम्क्याएका कारण उजुरी ढिला परेको जिल्ला प्रहरी कार्यालयले जनाएको छ । बालिकाका दाइले शुक्रबार मात्रै घटनाबारे प्रहरीमा उजुरी दिएका थिए । उजुरी आएको दुई घण्टाभित्रै आरोपीलाई पक्राउ गरिएको जिल्ला प्रहरी प्रमुख डिएसपी सुमित खड्काले बताए।
२०७६ असोज २५ गते ८:५५ मा प्रकाशित
