बलात्कार गरेको आरोपमा युवक पक्राउ

बालिका बलात्कार गरेर फरार रहेका एक युवकलाई प्रहरीले पक्राउ गरेको छ । पक्राउ पर्नेमा पर्वतको कुस्मा नगरपालिका–१८ बस्ने २१ वर्षीय सरोज चपाई रहेका छन् । चपाईले आफूलाई नवीन क्षेत्री र कृष्णप्रसाद चापागाईँ भनेर पनि चिनाउने गरेका छन् । आरोपित चपाईले गत चैत २५ गते राति धरान बस्ने १४ वर्षीया बालिकालाई ललाइ फकाई गरेर धरान–१९ स्थित एनबी होटेलमा लगी बलात्कार गरेको प्रहरीले जनाएको छ । बलात्कार गरेर फरार रहेका सरोज विरुद्ध बालिकाको अभिभावकले धरानस्थित इलाका प्रहरी कार्यालय लिखित किटानी उजुरी दिएपछि खोजी जारी राखिएको थियो । प्रहरीका अनुसार सरोजलाई जेठ २० गते धरान १९ चौकीबारीमा लुकेर बसेको बेला पक्राउ गरी थप अनुसन्धानका लागि सुनसरी जिल्ला अदालतबाट म्याद थप गरी हिरासतमा राखिएको छ ।

२०७६ जेठ २० गते ५:५१ मा प्रकाशित