बलात्कारको आरोपमा १६ वर्षीय किशोर पक्राउ
शारदा नगरपालिकाकी एक १४ वर्षीया किशोरीलाई बलात्कार गरेको आरोपमा प्रहरीले १६ वर्षीय किशोरलाई पक्राउ गरेको छ । बलात्कार गरेको उजुरी परेपछि प्रहरीले मंगलबार राति किशोरलाई घर नजिकैबाट पक्राउ गरेको हो । कक्षा १० मा पढदै आएकी बालिका एसईईको तयारीका लागि बिहानै ट्युसन पढनसँगै गएका किशोरले माघ १२ गते जबरजस्ती बलत्कार गरेको उजुरीमा उल्लेख गरिएको प्रहरीले जनाएको छ । किशोरले ज्यान मार्ने धम्की दिएकाले बालिकाले उजुरी दिन नसकेको र घरमा आमालाई भनेपछि पीडित परिवारले जाहेरी दिएपछि मात्र बलात्कारका आरोपीलाई पक्राउ गरेको जिल्ला प्रहरी कार्यालय सल्यानका प्रहरी निरीक्षक लक्ष्मण ओलीले बताए । आरोपी १६ वर्षीय किशोरलाई बुधबार जिल्ला अदालत सल्यानबाट पाँच दिनको म्याद थप गरेर प्रहरी कार्यालयको निगरानी कक्षमा राखेर अनुसन्धान भइरहेको ओलीको भनाइ छ ।
२०७६ फागुन २२ गते ११:३२ मा प्रकाशित
