बालिका करणी गर्ने दुई जना पक्राउ

भोजपुरमा १३ वर्षीया बालिका करणी गरेको आरोपमा प्रहरीले एकजनालाई नियन्त्रणमा लिएको छ । बालिकामाथि करणी गरेको आरोपमा षडानन्द नगरपालिका १२, देउरालीका ३० वर्षीय भवानी कट्टेललाई प्रहरी चौकी देउरालीले नियन्त्रणमा लिएको हो । कट्टेलले जेठ १७ गते बालिकालाई कटहरे जंगलमा लगेर करणी गरेको जिल्ला प्रहरी कार्यालय भोजपुरले जनाएको छ । बालिकाको संखुवासभा खाँदबारीस्थित अस्पतालमा उपचार भइरहेको प्रहरीले जनाएको छ ।त्यस्तै गत जेठ २ गते १० वर्षीया बालिका करणी गरेकै आरोपमा प्रहरीले अर्का एक बृद्धलाई पनि नियन्त्रणमा लिएको छ । पौवादुङ्मा गाउँपालिका च्याङ्ग्रेस्थित बालिकालाई १ सय ५० रुपैयाको नोट देखाई ललाईफकाई गरी नजिकैको गोठ लगेर जवर्जस्ती करणी गरेको आरोपमा स्थानिय ७० वर्षीय मान बहादुर बोहरालाई प्रहरीले पक्राउ गरेको हो । बालिकालाई दुईपटकसम्म करणी गरेको पिडीतको उजुरीमा उल्लेख रहेको प्रहरीले जनाएको छ ।

२०७५ जेठ २७ गते प्रकाशित