तेह्रथुममा १० वर्षीय बालिकालाई करणी गर्ने एक पक्राउ

दश वर्षीय बालिकालाई जबरजस्ती करणी गरेको आरोपमा आठराई गाउँपालिका–२, खाम्लालुङका ५४ वर्षीय चक्रबहादुर लिम्बुलाई प्रहरीले आइतबार पक्राउ गरेको छ । गोठालो गएकी बालिकालाई लिम्बुले करणी गरेको स्वास्थ्य परिक्षण पश्चात पुष्टि भएको थियो । घटनाबारे बालिकाले कहि थाहा नदिएकाले  सबै गुपचुप रहेका थिए । घटनालाई गाउँमै मिलाउने प्रयत्न भइरहेको कुरा स्थानीय अधिकारकर्मीहरुले थाहा पाएपछि प्रहरीमा जाहेरी दिइएको थियो । इलाका प्रहरी कार्यालय सक्रान्तिबजारको रोहबरमा बालिकाको स्वास्थ्य परीक्षण गरी लिम्बुमाथि मुद्धा दर्ता गरिएको जिल्ला प्रहरी कार्यालय तेह्रथुमका प्रहरी निरीक्षक बासुदेव यादवले बताउनुभयो । यस विषयमा थप अनुसन्धान भइरहेको प्रहरीले जनाएको छ ।

२०७५ साउन १७ गते प्रकाशित