फोहोर उठाउने गाडीमा नवजात शिशुको शव भेटियो
पोखरामा फोहर उठाउने गाडीमा फालिएको नवजात शिशु (छोरा)को शव फेला परेको छ । जिल्ला प्रहरी कार्यालय कास्कीका प्रवक्ता डीएसपी रवीन्द्रमान गुरुङका अनुसार गाडीमा उठाएर ल्याइएको फोहर डम्पिङ साइटमा लगेर छुट्टयाउने क्रममा नवजात शिशुको शव तन्नाले बेरेको अवस्थामा फेला परेको हो । सोमबार पोखरा महानगरपालिका वडा नम्बर १७ बिरौटाको अन्नपूर्णमार्ग र यज्ञशाला मार्गबाट फोहर उठाएर आएको गाडीमा शव फेला परेको जिल्ला प्रहरी कार्यालय कास्कीले जनाएको छ। घटनाको बारेमा अनुसन्धान भइरहेको प्रहरीको भनाई छ।
२०७५ पुस २३ गते ७:३१ मा प्रकाशित
