बेपत्ता बालिकाको शव भेटियो

बैतडीको डिलाशैनी गाउँपालिकास्थित गन्नीगाड खोलामा बगेर बेपत्ता एक बालिकाको शव भेटिएको छ । बुधबार चमेलिया नदीमा उनको शव भेटिएको हो । मंगलबार दिउँसो गन्नीगाड खोलामा पौडी खेल्न गएकी १० वर्षीया सोबी घरेडी बेपत्ता भएकी थिइन् । उनको शव सीमार प्रहरी चौकीका प्रहरी सहायक निरीक्षक वीरसिंह चौसिरले जानकारी दिए । खोलाले बगाएर बेपत्ता बालिकाको खोजी तिब्र बनाएको प्रहरी टोलीले डिलाशैनी गाउँपालिका छेपट्टा नजिकै चमेलीया नदी किनारमा उनको शव भेटेको हो । शव परीक्षणका लागि गोकुलेश्वर अस्पतालमा राखिएको छ।

२०७६ भदौ २५ गते ८:५७ मा प्रकाशित