हराएका बालकको शव जंगलमा भेटियो

आइतबार अपरान्हबाट हराएका दमकका एक बालक १४ घण्टापछि मृत फेला परेका छन् । दमक नगरपालिका–३ स्थित बेलडागी–२ सेक्टर नम्बर ई–१ हट नम्बर–२ भुटानी शरणार्थी शिविरका नरबहादुर मगरका १४ वर्षीय छोरा ओशिष मगर मृत फेला परेका हुन् । जिल्ला प्रहरी कार्यालय झापाका अनुसार घरबाट निस्किएर बेपत्ता भएका बालक सोमबार बिहान दमक–३ कै हुम्सेदुम्से सामुदायिक वनमा खनिएको पोखरीमा मृत भेटिएका थिए । बालकलाई पोखरीमा मृत फेला पारेपछि स्थानीयले अस्थायी प्रहरी चौकी बेलडागीमा खबर गरेका थिए।घटनाको अनुसन्धानका लागि इलाका प्रहरी कार्यालय दमकबाट टोली खटिएको बताइएको छ । कानुनी प्रक्रिया पूरा गरी दमकस्थित आम्दा अस्पतालमा शवको पोष्टमार्टम गरिएको छ।

२०७६ भदौ ३ गते १२:०४ मा प्रकाशित