ताप्लेजुङमा अर्की किशोरीमाथि सामूहिक बलात्कार
ताप्लेजुङमा बलात्कारको अर्को घटना सार्वजनिक भएको छ । मैवाखोला गाउँपालिकामा एक किशोरीलाई भदौ ४ गते दुईजनाले बलात्कार गरेका हुन् । किशोरीलाई घर नजिकको कोदोबारीमा बलात्कार गरेको घटना सार्वजनिक भएको हो । १७ वर्षीया किशोरीलाई बलात्कार गरेको आरोपमा त्यही गाउँपालिका–५ का २३ वर्षीय कमल लिम्बूलाई प्रहरीले बुधबार पक्राउन गरेको छ । अर्का आरोपित २० वर्षीय सुनम थोप्रा फरार रहेका छन् । फरार अभियुक्तको खोजी भइरहेको ताप्लेजुङका प्रहरी प्रमुख ज्ञानेन्द्रबहादुर बस्नेतले जानकारी दिए । पीडितका बाबुले प्रहरी कार्यालयमा दिएको उजुरीका आधारमा एकजना आरोपितलाई पक्राउ गरिएको बस्नेतले बताए ।
२०७५ भदौ ६ गते ६:३४ मा प्रकाशित
