नदीमा डुबेर दुई बालकको मृत्यु

कैलालीको लम्किचुहा नगरपालिका–७ चाकाबाँडीमा रहेको रोरा नदीमा डुबेर दुई बालकको मृत्यु भएको छ । लम्कीचुहा–७ निवासी मनोज चौधरीका छोरा जिटी फारवेस्ट एकेडेमी हरैयापुरमा कक्षा ४ मा अध्यनरत नौ वर्षीय सुदीप र पर्शु चौधरीका छोरा सोही विद्यालयमा कक्षा ४ मा अध्यनरत नौ वर्षीय समरको डुबेर मृत्यु भएको इलाका प्रहरी कार्यालय लम्कीले जनाएको छ। शनिबार बिहान करिब १० बजेतिर पौडी खेल्ने क्रममा डुबेका उनीहरुको दिउँसो साढे ३ बजेतिर शव भेटिएको थियो। शव टीकापुर अस्पतालमा परीक्षणका लागि पठाइएको वडाध्यक्ष हरिराम चौधरीले जानकारी दिए।

२०७६ बैशाख २८ गते ४:३५ मा प्रकाशित