ट्याक्टर दुर्घटनामा एक बालकको मृत्यु, तीन जना घाइते
जुम्लाको पातारासी गाउँपालिका–६ वातामा भे १ त ७३८५ नम्बरको ट्याक्टर दुर्घटना हुँदा एक जनाको मृत्यु भएको छ । मृत्यु हुनेमा सोही वडाका ७ वर्षीय सुदिप बुढा रहेका छन् । घटनामा १० वर्षीय कमल बुढा, २० वर्षीय हिराबहादुर महतारा र चालक पातारासी गाउँपालिका–२ पेरे गाउँका २३ वर्षीय विजय कामी घाइते भएका छन् । घाइते सबैको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचार भइरहेको प्रहरी नायव उपरीक्षक लालबहादुर धामीले बताए । ट्याक्टर सडकदेखि २ सय मिटर तल खसेको थियो । अहिले घटना स्थलतर्फ प्रहरी गइरहेको उनले बताए।
२०७६ माघ ६ गते ७:२७ मा प्रकाशित
