खेल्दै गरेका बालकको माटोको ढिस्कोले पुरिएर मृत्यु
झापाको गौरादह नगरपालिका-१ मा माटोको ढिस्कोले पुरिएर एक बालकको मृत्यु भएको छ। निर्माणाधिन अवस्थामा रहेको नालीमा खेल्ने क्रममा माटोको ढिस्कोले पुरिएर सोही स्थानका सात वर्षीय सुमन कर्मकारको मृत्यु भएको हो। बुधबार साँझ ६ बजेरतिर खेल्ने क्रममा ढिस्कोले पुरिँदा गम्भीर घाइते भएका सुमनलाई उपचारका लागि दमकस्थित लाईफ लाइन अस्पताल पठाइएकोमा उपचारको क्रममा राति सवा ८ बजे मृत्यु भएको इलाका प्रहरी कार्यालय गौरादहले जनाएको छ। बालकको शव परीक्षणका लागि सोही अस्पतालमा राखिएको जिल्ला प्रहरी कार्यालय झापाले जनाएको छ।
२०७५ चैत २१ गते १:२६ मा प्रकाशित
