आँधीखोलामा डुबेर बालिकाको मृत्यु
वालिङ् नगरपालिका–९ स्थित आँधीखोला नदीमा डुबेर ६ वर्षीय बालिकाको ज्यान गएको छ । वडा प्रहरी कार्यालय वालिङ्का अनुसार आँधीखोलामा डुबेर गल्याङ् नगरपालिका–२ घर भई हाल वालिङ–९ भकुण्डेमा डेरा गरी बस्दै आएकी ६ वर्षीया आइश्मा गुरुङको ज्यान गएको हो । आमा भूमिका गुरुङसँगै सोमबार अपरान्ह आँधीखोलामा गएकीबालिका अकस्मात खोलामा डुबेपछि स्थानीयवासीले उद्धार गरी वालिङ हस्पिटल पुर्याएका थिए । उपचारका क्रममा बालिकाको ज्यान गएको वडा प्रहरी कार्यालयले जनाएको छ । मृतकको पोष्टमार्टमपछि ठूलोबुवा खड्कबहादुर गुरुङलाई अन्तिम संस्कारका लागि शव बुझाइएको प्रहरीले बतायो।
२०७६ जेठ १४ गते १०:३९ मा प्रकाशित
