ढुंगाले किचेर एक बालकको मृत्यु, एक गम्भीर घाइते
भीरबाट खसेको ढुंगाले लागेर धार्चे गाउँपालिका वडा नं ३ लाक्पालका एक बालकको मृत्यु भएको छ। बुधबार बिहान ११ बजेतिर खोलामा साथीहरुसँग खेलिरहेका पाँच वर्षीय आकास गुरुङको मृत्यु भएको स्थानीय विशाल घलेले जानकारी दिए। ढुंगाले उनको टाउको र ढाड किचिएको थियो । उनलाई बचाउन गएकी सात वर्षीया दिदी बिनिता गुरुङ पनि ढुंगाले लागेर गम्भीर घाइते भएकी छन् । उनलाई उपचारका लागि राजधानी काठमाडौं लगिएको बताए । खेलिरहेका बेला एक्कासी ढुंगा झर्न थालेपछि संगै खेलिरहेका चारजना बालबालिका भागेका थिए।
२०७६ जेठ १६ गते ९:४९ मा प्रकाशित
