खोलाले बगाउँदा बालिकाको मृत्यु
बडिगाड गाउँपालिकामा खोलाले बगाउँदा एक बालिकाको मृत्यु भएको छ । बडिगाडको वडा ५ ग्वालीचौरमा घर नजिकै आफ्नी आमासँग भाडा धुन गएका समयमा खोलाले बगाएर ४ वर्षीया सिजन विकको मृत्यु भएको हो । स्थानीय ग्वालीचौर जलविद्युत आयोजनाको नहरमा खसेपछि बालिकालाई २ सय मिटर तल बगाएको थियो । तत्कालै उद्धार गरेर प्राथमिक स्वास्थ्य केन्द्र बुर्तिबाङमा उपचारका लागि लैजाने क्रममा उनको मृत्यु भएको प्रहरीले जनाएको छ । अनुसन्धानका लागि प्रहरी टोली घटनास्थल पुगेको छ ।
२०७६ माघ २७ गते १२:३४ मा प्रकाशित
