समाचारमा बालबालिका

सल्यानमा पहिरोमा पुरिएका तीन बालबालिकाको मृत्यु

पहिरोमा पुरिएका तीन बालबालिकाको ज्यान गएको छ । सोमबार बिहान उद्दार टोलीले पुरिएको अवस्थामा उनीहरुको शव निकालेको हो । सल्यानको बागचौर नगरपालिका १२ ओख्रेनी मुलखोलामा आइतबार बेलुकी खसेको पहिरोले बालाराम डाँगीको घर पुरिँदा उहाँका १० वर्षीय छोरी ललिता, ७ वर्षीय छोरा ललित र ४ वर्षकी छोरी मेनकाको ज्यान गएको जिल्ला प्रहरी कार्यालयले जनाएको छ । प्रहरीका अनुसार आमाबाबु गोठमा गएका बेला घर भित्र बसेका बालबालिका पहिरोमा परेका हुन् ।

२०७५ भदौ १८ गते ८:५३ मा प्रकाशित