डोजरले बाटो खन्दा माटोले पुरिएर बालकको मृत्यु
झापाको बाह्रदशी गाउँपालिकामा सडक निर्माणको लागि डोजरले माटो खन्ने क्रममा माटोको ढिस्कोले पुरिएर एक बालकको मृत्यु भएको छ ।शनिबार बिहान डोजर (जेसिबी)ले बाटो खनिरहँदा माटोको ढिस्को भत्किएर बाह्रदशी गाउँपालिका–५ का गोकुल श्रेष्ठका १५ वर्षीय छोरा मनिषको मृत्यु भएको हो । दुर्घटनाबाट घाइते भएका मनिषको उपचारको क्रममा मृत्यु भएको हो । उपचारका लागि शनिबार दिउसो उनलाई बिर्तामोड स्थित बिर्तासिटी अस्पताल लगिएको थियो । जिल्ला प्रहरी कार्यालय झापाका अनुसार मृतकको शव पोस्टमार्टमका लागि मेची अञ्चल अस्पताल भद्रपुर लगिएको छ।
२०७५ फागुन १८ गते ८:०० मा प्रकाशित
