सुतिरहेको वेला मिटर बक्स सर्ट भई लागेको आगलागीमा परी १४ वर्षीया किशोरीको मृत्यु
सिरहाको कर्जन्हा नपा ४ बस्तीपुरमा गएराति आगलागीमा परी १४ वर्षीया किशोरीको मृत्यु भएको छ । स्थानीय सुशान्त नायककी छोरी चुनचुन भनिने सलोनीको घरको पहिलो तलामा आमासँग सुतिरहेको वेला आगलागीमा मृत्यु भएको प्रहरीले जनाएको छ । इलाका प्रहरी कार्यालय मिर्चैयाका प्रमुख डीएसपी सन्तु जैसवालका अनुसार सुतेका वेला विद्युतीय मिटर बाकस सर्ट भई आगलागी भएको हो । आगलागीमा सलोनीसँगै सुतेकी आमा ३५ वर्षीया आशा घाइते भएकी र कर्जन्हास्थित फूलकुमारी महतो मेमोरियल अस्पतालमा उनको उपचार भइरहेको डीएसपी जैसवालले जनाए । घटनाबारे प्रहरीले मुचुल्का उठाई शव पोस्टमार्टमका लागि तयारी अवस्थामा राखेको छ ।
२०७६ माघ १० गते १२:०८ मा प्रकाशित
