ढुंगाले लागेर बालिकाको मृत्यु

बाटो खन्ने क्रममा जेसीबीबाट खसेको ढुंगाले लागेर इलाममा एक बालिकाको ज्यान गएको छ। दिउँसो ३ बजे इलाम नगरपालिका ८ स्थित गरीमा टोलअन्तर्गत भित्रि कच्ची सडक खन्ने क्रममा खसेको ढुंगाले लागेर १३ वर्षीया एलिसा न्यौपानेको ज्यान गएको हो। बाटो मुनि (तल) सोतर (पात पतिङगर) बटुल्दै गरेकी न्यौपानेलाई माथिबाट खसेको ढुंगाले टाउकोमा लागेर घटनास्थलमै ज्यान गएको जिल्ला प्रहरी कार्यालय इलामका प्रहरी हवलदार विजय राईले जानकारी दिए। घटनापछि जेसिवी चालक फरार रहेका छन्।

२०७५ चैत १० गते प्रकाशित