सडेको अवस्थामा शिशुको शव फेला
वीरगञ्ज महानगरपालिकामा एक शिशुको शव फेला परेको छ । वीरगञ्ज महानगरपालिका–१४, गण्डक चोक नजिकै अन्दाजी ५ महिनाको शिशुको शव कुहिएको अवस्थामा फेला परेको हो । गण्डक चोक नजिकै फोहोर फाल्ने ठाउँमा प्लाष्टिकको झोलामा दर्गन्धित अवस्थामा शिशुको शव फेला परेको जिल्ला प्रहरी कार्यालय, पर्साका प्रवक्ता सत्यनारायण थापाले जानकारी दिए । सडिसकेको अवस्थामा शिशुको शव फेला परेको छ’ उनले भने, ‘शिशु कसको हो र किन त्यसरी फालिएको हो?भन्ने बारे अनुसन्धान भइरहेको छ । यसैबीच, वीरगञ्ज महानगरपालिकामा करेन्ट लागेर एक भारतीय मजदुर गम्भीर घाइते भएका छन् । पश्चिम चम्पारण सरफरहदवा ग्रामका ३० वर्षीय महेश दास करेन्ट लागेर गम्भीर घाइते भएका हुन् ।वीरगञ्ज महानगरपालिका वडा न. ३१ रहेको दुर्गा पेपर मिलमा काम गर्ने क्रममा उनलाई करेन्ट लागेको हो । रड काट्दा करेन्ट लागेर गम्भीर घाइते दासको वीरगञ्ज हेल्थ केयर अस्पतालमा उपचार भइरहेको छ ।
२०७५ साउन २८ गते ११:४१ मा प्रकाशित
