फिदिमका दुइवटा विद्यालयमा शिक्षकद्वारा विद्यार्थी कुटिए, घटना गुमनाम

फिदिमका नगपालिकाका दुइवटा विद्यालयमा शिक्षकद्वारा विद्यार्थी निर्घात कुटिएका छन् । पाँचथर सदरमुकामका रहेका २ वटा विद्यालय फिदिम नगरमालिका–१ को फिदिम मावि र फिदिम नगरपालिका–४ को गढीमाविका विद्यार्थी कुटिएका हुन् । केहि दिन अगाडि फिदिम माविमा कक्षा ९ मा अध्ययनरत  विद्यार्थी निलम नेपाली गणित शिक्षबाट कुटिएका छन् । उनलाई शिक्षक विज्ञान पौडेलले टेस्ट परिक्षामा ठिक उक्तर नदिएको भन्दै २७ भाटा लगाएको विद्यार्थीको पारिवारीक स्रोतले जनाएको छ । सो घटना परिवारलाई अव त्यसो नगर्ने भन्दै माफ मागेर कुरो मिलाएको नाम नखुलाउने सर्तमा एक विद्यार्थीले बताए । त्यसै गरी फिदिम नपा–४ गढीमाविमा पनि विद्यालयका प्रधानाध्यापक मानध्वज थाम्सुहाङले कक्षा ६ मा अध्ययनरत १३ वर्षे बरुणहाङ केरुङलाई कपाल छोटो काटेको भन्दै निर्घात कुटपिट गरेको केरुङको परिवारिक स्रोतले बताएको छ । सो घटना पनि माफ मगाई घटना गुमनाम गराइएको स्रोतले बताएको छ । शिक्षकद्वारा विद्यार्थी कुटिनु यो घटना पहिलो होइन । यस्ता घटना भइसकेपछि यस्ता घटना बाहिर ल्याउन नदिन अभिभावक र विद्यार्थीलाई ललाई फकाई विद्यालयमानै मिलाउने गरीएको छन् । विद्यालयमा यातना रहित शिक्षा नीति सरकारले अवलम्ब गरेपनि यस्ता घटनालाई गुमनाम गराइदै आएको ।

२०७४ माघ १७ गते ६:३२ मा प्रकाशित