किशोरी भगाएर विवाह गरेको भन्दै किशोर पक्राउ
उदयपुर जिल्लाको कटारी नगरपालिका–६ मा १४ वर्षीय किशोरी भगाएर विवाह गरेको भन्दै एक किशोरलाई प्रहरीले बालविवाहको आरोपमा पक्राउ गरेको छ । पक्राउ पर्नेमा २० वर्षीय सरोज गिरी रहेको इलाका प्रहरी कार्यालय कटारीले जनाएको छ । गिरीले केही दिनअघि स्थानीय १४ वर्षीय बालिकालाई फकाएर भागी विवाह गरेका थिए । बालिकाको आफन्तले बालविवाह भएको भन्दै प्रहरीमा जाहेरी दिएपछि उनलाई पक्राउ गरी बालविवाहसम्बन्धी मुद्दा दायर गरेको इलाका प्रहरी कार्यालय कटारीका प्रमुख प्रेमसागर केसीले बताए । जिल्लामा प्रत्यक्ष तथा अप्रत्यक्ष रूपमा बालविवाह बढ्दै गएको बेला कटारीमा भने बालविवाह गर्नेलाई पक्राउ गरी कारवाही शुरु गरिएको पनि प्रहरीप्रमुख केसीले बताए।
२०७६ कात्तिक २९ गते ७:४८ मा प्रकाशित
