प्रहरी पुगेपछि बालविवाह रोकियो, जन्ती फरार

दिक्तेल रुपाकोट मझुवागढी नगरपालिका-४ खाल्लेमा हुन लागेको बालविवाह रोकिएको छ । उमेर नपुगी विवाह गरेको प्रहरीमा खबर पुगेपछि उक्त विवाह रोकिएको हो । सोमबार राति प्रहरीलाई बालविवाह हुन लागेको जानकारी आएपछि प्रहरी विवाहस्थल गएको थियो । प्रहरी निरीक्षक केशवकुमार कटवालका अनुसार बालविवाह भइरहेको सूचना आएपछि विवाहस्थलमा प्रहरी खटाइएको थियो । त्यहाँ पुग्दा भोजपुर सिक्तेलबाट आएको बेहुलापक्षको जन्ती समेत फरार भइसकेका थिए । मुलुकी अपराध संहिता ऐन २०७४ अनुसार २० वर्ष उमेर नपुगी विहे गरे बालविवाह ठहरिने छ । यसरी भएको विवाह बदर हुनका साथै कसुर गर्नेलाई तीन वर्ष कैद र तीस हजार जरिवाना हुने व्यवस्था छ।

२०७६ बैशाख २४ गते १०:५८ मा प्रकाशित