पनौतीका तीनवटा वडा बालमैत्री

पनौती नगरपालिकाका वडा नम्बर दुई र तीनलाई बालमैत्री घोषणा गरिएको छ। ‘आवश्यक विभिन्न ३९ वटा सूचक पूरा गरेकाले दुई र तीन वडालाई बालमैत्री घोषणा गरेका हौं,’ वडा नम्बर दुईका अध्यक्ष पुरुषोत्तम अधिकारीले भने। उनका अनुसार पूरै नगरपालिकालाई बालमैत्री घोषणा गर्ने लक्ष्य छ। बालमैत्री वडा घोषणालाई सञ्चार तथा सूचना प्रविधि मन्त्री गोकुलप्रसाद बाँस्कोटाले आधिकारिकता दिए। घोषणासँगै दुवै वडाले नगरपालिकाबाट ५/५ लाख रुपैयाँ पुरस्कार पनि पाएका छन्। यससँगै पनौतीका ३ वटा वडा पूर्ण रुपमा बालमैत्री भएका छन्। यसअघि १२ नम्बर वडा पहिलो बालमैत्री घोषणा भइसकेको छ। वडा ९ र १० लाई आगामी आर्थिक वर्ष बालमत्री घोषणा गर्ने योजना छ।

२०७६ असार १६ गते ७:४९ मा प्रकाशित