घरमा आगलागी हुँदा बालिकाको मृत्यु

विजयनगर गाँउपालिका –७ मानपुर डाँडाको एक घरमा आगलागी हुँदा बालिकाको मृत्यु भएको छ । मृत्यु हुनेमा स्थानीय तीन वर्षीया राजकुमारी यादव छिन् । गर्मीयाम बढेसँगै चलेको हावाहुरीले घरमा आगलागी भएको बताइएको छ । आगलागीबाट घरमा रहेका ७ बाख्रा पनि जलेको जिल्ला प्रहरी कार्यालय कपिलवस्तुका प्रहरी नायव उपरीक्षक नरेन्द्र कार्कीले बताए । आगलागीबाट ३० हजार नगद सहित तीन लाख बराबरको खाद्यान्न तथा लत्ता कपडा जलेर नष्ट भएको प्रहरीले बताएको छ । गाउँपालिका भएपनि दमकल नहुँदा आगो नियन्त्रणमा लिन हम्मेहम्मे परेको थियो । स्थानीय समुदाय र प्रहरीको सक्रियातामा आगलागी नियन्त्रणमा आएको बताइएको छ ।

२०७४ फागुन १९ गते प्रकाशित