आगलागीमा १० महिने बालिकाको मृत्यु
सदरमुकाम बडिमालिका वडा नम्बर ८ थापावाडाको एक घरमा आगलागी हुँदा १० महिनाकी बालिकाको मृत्यु भएको छ । दिउँसो घरमा कोही नभएका बेला बडिमालिका नगरपालिका ८ का अके थापाको घरमा आगलागी भएको प्रहरीले बताएको छ । आगलागीबाट गंगा भण्डारीकी छोरी १० महिने देबीका भण्डारीको जलेर मृत्यु भएको जिल्ला प्रहरी कार्यालय बाजुराले जनाएको छ । प्रहरीका अनुसार दिउँसो घरमा कोही नभएको अवस्थामा विद्युत् सट भई आगलागी हुँदा भण्डारीको मृत्यु भएको हो । आगलागीबाट घरभित्र रहेका अन्नपात लुगा कपडालगायतका सामग्री जलेर नष्टसँगै अनुमानित ५ लाख बढीको क्षति भएको छ ।
२०७४ फागुन १२ गते प्रकाशित
